Josu,

Gerentes de UMI in le passato non ha arrogate a se a formar
academias o decider questiones secundo lor personal preferentias
proque Dr. Gode ha dicite que isto non es interlingua.  Illes
lassa a individuos a usar interlingua in qualcunque maniera que
illes vole.

Io usa interlingua in le spirito in que Dr. Gode ha inseniate
lo a me. Ille esseva un linguista professional qui usava le
evidentia linguistic pro resolver questiones super interlingua.
Ille ha indicate que il esseva possibile que ille e le
linguistas a IALA ha facite alcun errores. Ille ha repetitemente
dicite que interlingua non es un invention o le producto de
preferentias personal, mais un real phenomeno in le mundo.
Ille solmente ha extracte e standardizate lo in un maniera
le plus objectivemente que ille poteva con qualcunque evidentia
e theoria linguistic disponibile a ille. Io crede que su
spirito scientific es superior al cultistic e amateuristic
maniera in que tu vole facer interlingua devenir per medio de
UMI. E io crede que si tu face interlingua devenir le proprietate
de iste parve organization de UMI, illo va morir e esser
oblidate pro esser de necun interesse a linguistas, o
politicianos, o prime ministeros o presidentes. Illo esserea
solmente un altere culto de amateures lunatic qui cerca a
convertir le mundo a lor lingua.

Io non crede que tote le mundo dentro le interlinguaistas
va descender super me o alteros pro usar participios
perfecte irregular. Solmente le dogmatic va facer lo, e
io non es preoccupate con lor opiniones proque lor mentes
es claudite. E il non ha tanto multe equalmente.

Stan

----- "Josu Lavin" <[log in to unmask]> wrote:

> Car amico Stan,
>
> Il es evidente a totes que le UMI ha su proprie criterios sur
> questiones grammatic e lexic.
>
> Esque le UMI accepta le GI e le IED in su totalitate?
>
> Il es evidente que non lo face.
>
> Al minus, isto es lo que sembla a me, e per isto io vole un
> clarification.
>
> Un cosa es si il es clar o no lo es le GI e le IED. O si tu prefere il
> es clar que cosa es Interlingua.
>
> Io vole un clarification per parte del UMI re qual cosas accepta e
> quales non.
>
> Le UMI non es un lingua, ma un gruppo de personas qui usa
> interlingua.
>
> Si un persona apprende Interlingua con le IED e le GI de Gode e ille
> scribe in INTERLNG, per exemplo, io es secur que cadera sur ille como
> hyenas, si le paupere usator usa continuemente participios irregular,
> orthographia collateral, pronomines e conjunctiones alternative
> presente o in le IED o in le GI.
> Esque isto non es ver?
>
> Tu ipse es un persona mal vidite in le UMI. O isto non es ver?
>
> Esque le UMI non marca in practica qual es su interlingua?
>
> E io non expone hic mi ideas! Io solmente vole saper qual cosas del
> IED e del GI non es acceptate per le UMI. Io vole saper le opinion del
> UMI re iste questiones. E le UMI deberea dicer clarmente si illes
> accepta le participios irregular in le conjugation, si illes accepta
> le orthographia collateral o non, si illes accepta infinitivos in
> -ERE, etc. De iste maniera, le usatores de Interlingua sapera si illes
> scribe secundo le UMI o si illes scribe secundo IALA.
>
> Interlingua jam existeva ante le publication del IED e le GI.  Nos ha
> habite Interlingua de Peano e Interlingua de IALA que era linguas
> differente. Io vole saper si le Interlingua del UMI e le Interlingua
> de IALA es le mesme cosa!
>
> Io non vole saper qual es le Interlingua de Stan (perque io jam sape
> que es illo). Io vole saper exactemente qual es le Interlingua del
> UMI! Io debe informar le lectores de mi curso, grammatica e
> dictionarios que es secundo IALA e que es secundo le UMI.
>
> (a esser continuate)
>
> Josu Lavin
>

--
Archivos e disabonar: http://listserv.icors.org/archives/INTERLNG.html