Hodie, le 24, es le vespere, ubi nos in le paises nordic celebra le Natal.
Le abiete es ja in le salon, ornamentate per candelas, cordes de papiro,
ballas de vitro e con un belle stella al summitate. Sub le brancas le plus
al basso se trova ja le prime presentes, preste pro esser donate iste
vespere.

Le sol cosa que non es correcte, es que nos non ha nive. In le vespere de
Natal on debe haber nive, ma le tempore es solmente gris e un poco
pluviose, e le temperatura es de +7-8 grados. Lo que es si curiose, es que
nos omnes memora multo ben le Natal con nive, ma si on reguarda in le
statisticas, io crede que il ha solmente sex o septe vices durante 100
annos essite lo que nos appella un Natal blanc (i.e. con nive) que assi ha
coperite tote le pais. E cata anno nos lo expecta de novo....

Un multo felice Natal e un bon e gaudiose Anno Nove a omne participantes
de iste lista. Que omnes adjuta in facer interlingua progreder e diffunder
in 2006. Un effortio active de omnes es expectate.

Con mi optime salutes
Thomas Breinstrup

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================