Apathia de liberales da nutrimento al furia!
Le S.U. non pote ignorar un culto evolvente
del morte.

Per Sam Harris
Un essayo redactorial in le edition del previe sabbato
in le Atlanta Journal-Constitution

Duo annos de retro io ha publicate un libro altemente critical
del religion, “Le Fin del Fide”.  In illo, io ha arguite que le
religiones major del mundo es realmente incompatibile,
inevitabilemente causa le conflicto e ora preveni le emergentia
de un civilization viabile global.  Io ha recipite multe milles de
litteras e e-postas de parochos, jornalistas, scientistas, politicos,
soldatos, rabbis, actores, obreros de adjuta, studentes--
de gentes juvene e vetere qui possede cata puncto de vista
super le spectro de credentia e noncredentia.

Isto ha offerite a me un opportunitate special observar como
gentes de toto credentias e positiones politic reage quando le
religion es criticate. Io es aqui pro reportar que liberales e
conservativos responde multo differentemente al idea que
le religion pote esser un directe causa del conflicto human.

Iste differentia non portende ben pro le futuro del liberalismo.

Pot’esser io debe establir mi credentiales liberal al initio.
Io vole que le taxas es levate super le ric, le drogas decriminalizate,
e le homosexuales libere maritar se. Io equalmente pensa que
le administration de Bush merita le majoritate del critica
que illo ha recipite in le ultime sex annos--specialmente con
respecto a su guerra in Irak, su submination del scientia,
e su irresponsabilitate fiscal.

Mais mi correspondentia con le liberales ha convincite me que
le liberalismo ha devenite periculosemente distacchate del
realitates de nostre mundo--specialmente con lo que moslemes
devotate vermente crede super le Occidente, super paradiso e
super le ultime ascendentia de lor fide.

Con respecto a questiones del securitate national, io ora es
tanto circumspecte super mi liberales amicos como io es del
demagogos al derecta christian.

Isto possibilemente va sembler como un franc acquiesentia al
carga que le liberales es molle super le terrorismo.”  Illo es,
e illes es.

Le ver inimico.

Un culto del morte se forma in le mundo moslem--pro rationes
que es perfectemente explicabile in terminos del doctrinas
islamic del martyrio e jihad. Le veritate es que nos non lucta
un “guerra super le terror”. Nos lucta un theologia pestilente
e un desiro pro le paradiso.

Isto non es dicer que nos es a guerra con tote moslemes. Mais
nos es absolutemente a guerra con illes qui crede que le morte
in defensa del fide es le bon le plus alte, que caricaturistas
del propheta debe esser occidite, e que qualcunque moslem qui
perdi su fide debe esser abbattate pro le apostasia.

Infortunatemente, tal extremismo religiose non es un phenomeno
tanto marginal como nos vole sperar. Numerose studios ha trovate
que le moslemes le plus radicalizate tende posseder educationes
e opportunitates economic melior-que-le medio.

Date le grado a que ideas religiose es ancora protegite del
critica in tote societates, il es vermente possibile pro un
persona haber ressources economic e intellectual pro construer
un bomba nuclear--e creder que ille va reciper 72 virgines in
le paradiso.  Totevia, malgrado le evidentia abundante al
contrario, liberales continua imaginar que le terrorismo moslem
ha su fonte in le despero economic, manco del deducation e
le militarismo american.

Le extremismo corrumpe le fide.

A su extreme maxime, le denegation liberal ha trovate le
expression in un crescente subcultura del theoristas de
conspirationes qui crede que le atrocitates del septembre 11
esseva orchestrate per nostre proprie governamento. Un
sondage national del Centro Scripps del Recerca de Sondages
al Universitate de Ohio ha trovate que plus que un tertie de
americanos suspiciona que le governamento federal ha
prendite parte in le attaccos terrorista del 11 septembre o
habeva facite necun action pro stoppar los a fin que le
Statos Unite poteva comenciar le guerra in le Oriente Medie;
16 pro cento crede que le turres gemine ha collapsate non
proque le aviones commercial plen de combustibile ha
collidite in illes mais proque agentes del administration
Bush habeva secretemente installate explosives in illos pro
facer los exploder.
	Un tal surprendente eruption de irrationalismo masochistic
poterea ben significa le declination del liberalismo, si non le
declination del civilization occidental. Il ha libros, films e
conferentias organizate super iste phantasmagoria, e
illes offerta un clar vista del dogma debilitante que reside
incognoscite in le corde del liberalismo: Poter occidental es
absolutemente malevolente, durante que le impotente gentes
del terra es confidentemente expectate imbraciar le ration
e le tolerantia, si solmente date bastante opportunitates
economic.
  Io non sape quante plus ingenieros e architectos debe
exploder se, vola aeroplanos in edificios alte, o decapitar
jornalistas ante que iste fantasia va dissipar se.  Le veritate
es que il ha tote ration creder que un numero terrificante del
moslemes del mundo ora reguarda tote le questiones politic
e moral in terminos de lor affiliation con Islam. Isto les
conduce a reunir se al causa de altere moslemes il non importa
quante sociopathic lor comportamento. Iste irrational e
ignorante solidaritate pote esser le plus grande problema
que le civilization confronta, e totevia illo es regularmente
misconstruite, ignorate o obfuscate per le liberales.
  Date le mendacitate e stupefacente incompetentia del
administration Bush--specialmente su mistractamento del
guerra in Irak--le liberales pote trovar multo a lamentar in
le approche del conservativos al prosecution del guerra contra
le terrorismo. Infortunatemente le liberales odia le currente
administration con tal furia que illes regularmente falle
recognoscer  justo como periculose e depravate es nostre
inimicos in le mundo moslem.
  Recente condemnationes del uso per le administration Bush
del phrase “Islamic fascismo” es un exemplo. Il ha necun
question que le phrase es imprecise--islamistas non es
technicamente fascistas, e le termino ignora un varietate
del schismos que existe mesmo inter le islamistas--mais illo
es in necun maniera un exemplo del propaganda del guerra,
como ha essite cargate repetitemente per liberales.
  In lor analyse del politica extranee de Israel e le Statos
Unite, on pote depender super le liberales ignorar le plus
basic distinctiones moral. Per exemplo, illes ignora le facto
que le moslemes intentionally occide noncombatantes,
durante que nos e le israelis (como un regula) cerca evitar
facer lo. Moslemes sovente usa scutos human e isto
explica multo del injuria collateral que nos e le israelis
causa; le discurso per le mundo moslem, specialmente
con respecto al judeos, es explicitemente e sin vergonia
genocidial.
  Date iste distinctiones, il ha necun question que le
israelis ora tene le terra alte in lor conflicto con Hamas
e Hezbollah. Nonobstante le liberales in le Statos Unite
e Europa sovente parla como si le veritate esseva altere.
  Si le liberales non recognosce que il ha deces de
milliones de gentes in le mundo moslem qui es plus
terrificante que le Vice Presidente Dick Cheney, illes
va esser impotente in proteger le civilization de su
inimicos genuin.

Le Folle a Etate de Ferro
Acrescentemente, americanos va venir creder que le sol
gentes qui es bastante realistic combattar le lunaticos
del mundo moslem es le lunaticos religiose del occidente.
De facto, il es interessante que le gentes qui parla con
le maxime claritate moral super le currente guerras in
le Oriente Medie es membros del derecta christian, cuje
infatuation con le prophecia biblic es quasi problematic
como le ideologia de nostre inimicos.  Le dogmatismo
religiose ora joca a ante lateres del tabulero in un multo
periculose joco.
   Durante que le liberales debe esser le unes que monstra
le via ultra iste folle a etate de ferro, illes se rende
crescentemente irrelevante. Essente generalmente
rational e tolerante del diversitate, le liberales debe esser
specialmente sensitive al periculos del literalismo religiose.
Mais illes non es.
   Le mesme fallimento del liberalismo es evidente in
le Europa del West, ubi le dogma del multiculturalismo ha
lassate un Europa secular multo lente in adressar le
problema crescente del extremismo religiose inter su
immigrantes. Le gentes qui parla le plus rationalmente
super le menacia que le Islam pone a Europa es in
veritate le fascistas.
   Dicer que isto non portende ben pro le liberalismo es
un declaration insufficiente. Illo non portende ben pro le
futuro del civilization.
=========================

Stan Mulaik

--
Archivos e disabonar: http://listserv.icors.org/archives/INTERLNG.html