Como un psychologo, io pote sublinear le message super le mediocritate
de Pres. Bush.  Io pensa que su fratre qui es le governator de Florida
es multo plus intelligente que le presidente.

A me Pres. Bush ha depois su decision a poner se un candidato pro le
presidentia, essite un homine qui sembla alquanto como un pisce foras
le aqua. O como un esser terrestial ille es in le aqua que es plus alte
que su capite. Ille semper sembla anxie saper lo que a facer, e pro isto
ille ha multe avisores pro dicer a ille lo que ille debe dicer e facer.
A ver dicer io crede que le ver presidente es su vice presidente Dick
Cheney, qui es le real factor de decisiones in le Casa Blanc.

De tempore in tempore ille es confrontate con problemas que ille mesme
crede ille pote comprender. Le attacco a 9/11 super le turres del
Centro de Mercantia Mundial in Nove York esseva alque que mesmo un
idiota poteva comprender--o assi pensa le idiota.  Illo esseva le acto
de factores de mal, e on debe occider le factores de mal.  Isto es ver,
mais on poterea proceder con finesse con un clar concepto de su inimico
e como a combattar le. Mais Cheney voleva le oleo in Irak e voleva
superar Saddam Hussein, e ha usate le attacco a 9/11 como un pretension
pro attaccar Irak.  Le ver inimico esseva in Afghanistan, e le effortio
la ha essite minimal durante que billiones de dollares es expendite in
Irak.  Mais mesmo le effortio in Irak esseva troppo parve. Le altere
avisor major de Bush, Le Secretario de Defensa Donald Rummsfeld, ha iste
theorias super le uso de technologia in loco de homines in conducer le
guerra, e ille voleva probar los in Irak.  Ille ignorava le aviso que on
debe usar 500.000 homines pro le occupation post le initial conquesta.
Pro ille 140.000 esseva sufficiente. Mais iste numero ha essite
insufficiente. Mais ille non voleva vader al populos american pro
reinstallar un conscription. Assi ille continua rota unitates militar
a Irak, e illes deveni exhaustate emotionalmente si non per injurias
post duo o tres tornos.  Mais Bush non sape bastante pro vider le
errores de su Secretario de Defensa, e ille continua supportar le.

Stan Mulaik

--
Archivos e disabonar: http://listserv.icors.org/archives/INTERLNG.html