[per Chris]
Le processo per que on ha disveloppate iste linguas era, a mi aviso, minus
"scientific" o consequente que cello del IALA,-->ma<-- illo esseva
nonobstante deliberate e organisate.
In isto senso nos pote appeller interlingua, non le plus natural del
linguas artificial, -->sed<-- le plus artificial del linguas natural.

[per Frank]
In le passato, observante mi  proprie 'scripturas' in interlingua, io ha
vidite que io ha le tendentia a usar, a vices MA/MAIS, a altere vices SED.
Io nota que, hic supra, que Chris usa  "ma" e "sed" al mesme maniera.
Reflectente super isto, io suspecta que le tendentia (in MI caso) veni ex
le usage de ABER e SONDERN in germano, ubi SONDERN seque un negativo e
significa  quasi MA (AL CONTRARIO).   Io suspecta que le similaritate intra
"sed" e "sondern" ha causate un association del duo parolas in mi mente
subconsciente e, a causa de isto, io VOLE semper scriber "sed" post phrases
negative. Io volerea saper si anque tu, Chris, ha un cognoscentia de
germano con le mesme effecto?

E, a proposito, que pensa vos generalmente de iste usage?  Si io
continuerea usar  "sed" pro "ma, al contrario",  esque iste pare troppo
incorrecte?

-- frank