Salutes,  Victor!

Perque io es co-coordinator del lista INTERLNG, io recipe messages del
LISTSERV super personas qui se abona al lista, e hodie io era felice in
trovar le sequente message:

     Victor  Tchernavski <[log in to unmask]>  has just
     subscribed to the INTERLNG list (INTERLNG: Discussiones in
     Interlingua).

Ergo, nihil plus natural que responder tu ultime message via le lista!
Io spera que tu profita bastante de illo. :-)

Quanto a tu message, permitte me facer alcun correctiones a illo.

> Multe gratias pro tu lettera. Ben, io comprendeva mi error, que
> io faceva in le adresse de Ramiro. Naturalmente, le "l" e le "1"
> son quasi simple.

"Quasi simple"? Per le contexto io opina que tu voleva dicer "simile",
"similar" o "quasi le mesme". Es isto?

> Forsan, on debe usar "L" (grande) pro indicar
> exactemente le differentia inter illos.

Litteras "grande" (ABC...) es appellate litteras "majuscule" (-jús-),
in contrasto con le litteras "minuscule" (-nús-), que son parve
(abc...).

> Anatoly Karpov es le master (grossmeister) famose de chacho e mat

Le parola que tu cerca es "maestro".Le nomine del joco es "chacos".

> (forsan, io errava - ma isto es plus popular joco).

Hm... "plus popular" es un comparation. Per exemplo, "io es plus alte
que tu". Ma in le caso de tu phrase nos non habe un comparation -- tu
te refere al chacos solmente. Melior serea si tu usava "isto es un joco
multo popular", o "un joco popularissime" (-rí-).

> Le concurrente
> anque plus famose de Karpov es Garri Kasparov.

Si, io diceva isto a mi amico e ille confirmava que isto era le
responsa. Anatoly Karpov es un famose jocator de chacos. Ecce
Interlingua, serviente como un ponte de communication inter un
brasiliano e un russo!

E esque tu habe un bon texto traducite pro presentar al amicos de
INTERLNG? Non time committer errores, illos es natural e nos totes es
hic pro apprender e practicar.

Gratias a iste routine de usar e perfectionar su Interlingua in
INTERLNG, un amico nostre del Statos Unite, Frank Pfaff, post alcun
menses, poteva participar activemente in le Conferentia International
de Interlingua a Strasbourg, le anno passate, e depost, viagiar al
Suissa italianophone con nostre amico Paolo Castellina, e parlar con le
"nativos", comprender les e esser comprendite -- sin jammais antea
haber studiate italiano.

Qual altere lingua poterea haber essite tanto utile? :-)

Salutes brasilian,
--
   ENSJO*: EMERSON JOSÉ SILVEIRA DA COSTA
  E-mail : [log in to unmask] [<Ø>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
 UIN ICQ : 713833   [* "sj" pronunciate "sh"]

INTERLINGUA - lingua auxiliar international
    Info : http://www.interlingua.com
 Grammar : http://www.nautilus.com.br/~ensjo/interlingua/english.html