Car Amicas e Amicos,

dominica matino io respondeva al message per Erik Enfors re gallinas e
gallos de india, solmente que on non deberea jammais facer isto de
dominica, die in le qual on debe facer nihil, absolutemente nihil, solmente
otiar, pro honorar le proprie Ego.
Assi io ha errate lista e io ha replicate in mi lista interlingua, vide
subtus.
Al pagina: http://www.i-gi.com/index.html con View List Archive, Erik
Endors pote leger mi replica, assi vos totos.
Io ha anque publicate duo messages re le dialectos in Italia.

Hic io pote facer un breve actualisation re le avecultura in Veneto: le
animal que es de moda elevar ora es le struthio.
Iste reproduction pare sia multo remunerative pro le rendimento in carne.
Le carne es jam in le bancos del supermercatos e pare que illo sia
saporose. Io non lo ha probate e io non ha un particular curiositate,
forsan proque le carne del gallos de india, del pullo e assi del gallina,
como le carne in general, non es pro me un grande attraction, anque si io
non es sol vegetariano.
Io ha un passion pro le 'insaccatos', ab insaccar -> insaccate ->
insaccato: salami, salsicias, mortadella, ossocollo (io ha usate osso plus
collo, como in italiano), cuppa de testa, le trevisan 'sopressa', e ancora:
bresaola, bondiola, cotechino que a Treviso se nomina 'museto', e postea le
jambon o gambon, cocte e super toto crude, ma, iste interlingua! Illo es
mancante del melior vocabulos!

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
----------------------------------------------------------------------------
al pagina: http://www.i-gi.com/index.html on pote subscriber le mailing
list [log in to unmask], on deve selectionar Mailing list in
Interlingua, scriber le proprie adresse de e-mail e postea cliccar le Join
List button.
----------------------------------------------------------------------------