Al 08:25 PM 8/10/00 +0200, Kjell Rehnström scribeva:

>SSI sembla esser multo expansive. Nos jam ha un
>membro in Italia, Un in Germania. Esque nos non
>debe proponer al session annual proxime un cambio
>del nomine a Societate EU-ese pro Interlingua e
>haber nostre cotisationes in euros?! ;-)
>
>Cellus


De alcun dies io pensa a iste idea per Kjell Rehnström e io me ha 
convincite que iste proposition poterea haber multe possibilitate de un 
optime resultato in Europa.
Forsan, plus que substituer le nomine al SSI, on deberea haber un 
costituente intra le active organisationes del Nord.
Perque un Pais como le Germania exprime un numero de interlinguistas assi 
basse, circa como Italia o Francia?
Perque un Pais como Grande Britannia, io pensa, non ha un sol membro in 
iste lista?
Io non debe, ni io pote, responder a iste themas, simplemente perque io non 
ha informationes.

Nos sovente scribe que interlingua poterea absolver un rolo vermente 
necessari in le UE. Io es de accordo.
Io pensa que interlingua manca de un capacitate de proponer se in Europa 
perque illo trovarea anque un impietose opposition.
Si nos es realistic e practic, nos debe admitter que interlingua non pote 
interessar le politicos europee.
Simplemente perque a nos manca le numeros.
Anque iste thema serea ample e io non desira affrontar lo.

Io pensa al gente commun europee. Illes qui pensa que anglese es nostre 
futur solution, ma intertanto remanda le problema, perque forsan le lingua 
anglese, que interessa a totos, forsan non interessa realmente a necuno.

Pensa in plus a iste eventualitate: un lingua que obligarea anque le 
anglophonos a competer con altere linguas, al mesme nivello del realitate 
europee.

Cosa manca a facer un realitate de tote isto e altere ancora?

Io pensa al mentalitate del italianos. Pro nos, in le decennios passate, le 
Svedia era un modello de consequer. Un parve Pais con un grande organisation.
Postea le mytho se ha un poco offuscate e Svedia non es plus iste pharo.
Ma illo que es importante serea le facto precedente de un Pais modello.
Per exemplo, saper que un Pais, o plus Paises del Nord, ha un lor proprie 
organisation, de voluntarios pagante, qui crede in le possibilitate de usar 
un lingua commun pro le europeos.

Si iste initiativa serea italian, francese, espaniol o portugese, le pressa 
scriberea: iste Paises tenta de contraponer se al anglese e al numero 
elevate de illes qui es germanophonos.
Al contrario, io pensa que si le initiativa parti del Svedia, o melio, de 
un union de Paises nordic, iste periculo de proponer un lor lingua non 
existerea.
Iste Paises proponerea le uso del vocabulario international!
Vide, pro le italianos, illo es per exemplo un italiano international!
Oh! Iste svedeses!
Io pensa que, si iste initiativa parti del Nord, le italianos prestarea 
attention al initiativa.
Io non sape valutar si isto interessarea anque le francese e, obviemente, 
le alteres Populos europee, ma le facto que un minoritate numeric indica un 
strata que es un sacrificio, io crede, pro le mesme proponente, deberea 
haber successo.

Io haberea mi ideas re un projecto de iste importantia que non potera 
evolver se solmente con le quotas del membros, ma que deberea trovar un 
adequate quantitate de moneta. Isto sera factibile e plus facile de quanto 
on non pote pensar.
Illo que es difficile es crear le figura del interlocutor que debe haber 
consistentia e numeros de aderentes.
Forsan le strata passa per Svedia e le libere initiativa commercial europee.

Nos deberea pensar in terminos de un business.

Con iste affirmation final io habera jam frigidate le prime enthusiasmos.

Ma nos pote anque portar in avante iste discussion in un lista private de 
personas qui senti iste interesse.

Io spera,

Mario