Io subscribe, pro: io es de accordo!

>From: Edo Neilson <[log in to unmask]>
>Date: Fri, 12 Jan 2001 07:11:50 +1100

>Cambiante le thema nunc, io ha sempre usate le parolas grammatic latin -
>'etiam', 'sed',  'nimis' etc, in celle casos ubi il non ha concordantia
>inter le linguas moderne romanic. Io face isto pro quatro rationes -
>1) Gode ha sequite un sentiero similar in su scripturas, e si io va eliger
>un modello, il me pare que on cercarea vanemente un melior

Bon affirmation!

>2) le textos per le quales io ha apprendite Interlingua usava celle
>terminos - "Interlingua a prime vista" e "a Grammar of Interlingua'; e iste
>secunde es un del pilares de nostre lingua

Lingua que non ha necessitate de alcun mutation pro illes qui lo practica!

>3) le 'inter' de 'Interlingua' es importante a mi aviso; 'Interlingua' como
>lingua international debe batte se un sentiero neutral inter le linguas
>moderne romanic, sin favor

Nonobstante io ha le italiano que me conditiona, io debe cercar comocunque
de usar Interlingua pro illo que Interlingua es jam pro me e pro tote le
personas del mundo. Alteremente que face nos? Nos entra in un mundo del
unification: Interlingua! e nos exi subito pro retornar a Babylonia?

>4) le regula de tres es fundamental in le formulation/extraction de
>Interlingua; il me pare que illo trahe con se alcun corollarios, pro
>exemplo -  le selection del radice latin in casos de terminos
>indispensabile ubi le linguas moderne care le concordantia
>
>cordialmente
>Edo

Le recerca de parolas nove o alternative pro interlingua es un false
necessitate e un poner interlingua, in multe casos, in un situation de esser
considerate ridicule, como trovar alternativas a web, computer, email, et
cetera.

Mario Malaguti

_________________________________________________________________________
Get Your Private, Free E-mail from MSN Hotmail at http://www.hotmail.com.