Filios de un Italia minor.
Ultra le italiano, le minoritates linguistic del Belpais (un altere maniera pro indicar Italia) non son solmente le germanos del Tyrol del sud o le franceses del Valle de Aosta. Un lege del 1999 tutela le lingua e le cultura de istos.
Illes son le communitates abanese, catalan, germanic, grec, sloven e croate. Ma il ha etiam qui parla le franco-provencial, le friulano, le ladino, le occitano, le sardo e le lingua del tsiganos.
Illes non son immigratos del ultime annos o gruppos de amante del dialecto, ma italianos de nascentia qui face parte de parve enclaves ethnico-linguistic supervivite a totes le processos de homogeneisation. Parve stabilimentos diffundite per tote le peninsula, con alicun tresores vermente curiose.
Burlas del historia como le villages de lingua german circum le Monte Rosa in Pedemonte o le paises del Calabria meridional e del Salento de lingua albanese o arberesh. A Alghero in Sardinia, supervive le catalano.
Parve realitates local que lassa vestigios in rete. Ecco alicun sitos re iste minoritates linguistic.
Arbitalia: http://www.virgilio.it/cgi/go.pl?http://web.tiscalinet.it/arbitalia/index.htm
dedicate al cultura del arbereshe, le albaneses presente in Italia desde ultra cinque seculos.
La usc di ladins / Le voce del ladinos: http://www.lauscdiladins.com/TESTI/chest_ena.html
Le ladinos vive in le provincias de Belluno, Trento e Bolzano/Bozen e illes parla un lingua indoeuropee simile al friulano e al romancio de Suissa.
Ousitanio vivo / Occitania vive: http://www.cnnet.it/occitania/ousitanio/
Le jornal del communitate de 180.000 personas de lingua occitan qui vive in 14 vallatas divise inter le provincia de Turin e Cuneo in Pedemonte.
Le alguer: http://www.partal.com/alguer/index.html
In 1354 Petro III de Aragon entrava, post un assedio de quasi sex menses, in le citate de Alghero in Sardinia. Desde alora on parla catalano.
Grecia salentin: http://atlante.clio.it/grecia/
Novem communas del provincia de Lecce, in centro al peninsula del Salento in Apulia, vole recuperar le "griko", un dialecto simile al lingua hellenic.
Sardynia news / Sardinia novas: http://www.crs4.it/sarnews/
Un publication mensual de lingua e cultura del Sardinia. Le edition principe es in sarde, sed il existe etiam versiones in anglese e italiano.
Friuli la piccola patria / Friuli le parve patria: http://www.friul.net/
Le lingua le plus diffuse in le peninsula post le italiano es le friulano. Illo es usate quotidianmente per circa 700.000 personas. In le sito il ha le "Declarazion dai Derits dal Om" le Declaration universal del Derectos human: http://www.friul.net/suplimentspage/ddo.html; vos pote confrontar lo con lo de interlingua!
Salviamo il tabarchino / Vamos salvar le "tabarchino": http://www.uniud.it/cip/min_tabar_scheda.htm
Un varietate del genuese parlate in le communas de Carloforte e Calasetta sur le insulas de Sancte Petro e Sancte Antioco in Sardinia sud-occidental.
Lo stivale multilingue / Le botta multilingual: http://www.nosside.com/cartina.htm
Un mappa de Italia del minoritates ethno-linguistic. Illo monstra le diffusion per tote le territorio national.
|
