Kjell,
  Il me pare que le UE face cosas intendite a tornar le europeos contra illo.
Aqueste lege que vos describe pare adoptate sin adequate discussion de su plen
ramificationes. Esque le lege esseva adoptate per le Europarlamento o le Consilio?

---

Con respecto a "elito", a mi aviso aquesto non es un parola interlinguan. Le
regula in interlingua con respecto a parolas international prestate al linguas
a basse in su forma original es a adoptar le parola in su forma original.
Assi "software" es un parola anglese international, e io opina in interlingua
on debe scriber "software". Similarmente "pizza" e "pizzeria" es prototypos
international del italian. "Blitzkrieg" es un parola international del
germano usate a describer le maniera in que le germanos faceva le guerra in
Guerra Mundial II. "blockhaus" es del germano e international (in G, A, P, Fr).


In francese "elite" es un forma de "electe", que esserea le parola interlinguan
basate super un plus vetere prototypo.
Amicalmente,
Stan Mulaik