Il ha alcun confusion si on pensa que le evolution es un
theoria del creation, si per isto on significa le maniera
in que alque comenciava exister quando il habeva nihil.

Le scientia  non pote tractar le  question de como il ha
alque  e non nihil, o como ha le materia venite de nihil?

De facto, il es possibile logicamente que il non habeva
un comenciamento, que existentia ha semper existite a
eternitate.  Possibilemente le universo expande alora
contrahe a un puncto, alora explode de novo a expander,
etc. etc.

Mais como pote nos resolver tal questiones? Le scientia
non pote facer lo, si il non ha certe evidentia in
experientia per le qual on pote resolver los con un
proba.

Le scientia concerne le proba de theorias verso evidentia
non usate in lor formulation. Il debe esser possibile,
si illo es un theoria scientifc, a conciper un situation
observabile in que illo esserea disconfirmate.  Proque
nos non pote conciper de un situation in que nos pote
disconfirmar o confirmar que le universo expande e
contrahe pro semper, isto non pote devenir un theoria
scientific.  Illo es solmente speculation que es  foras
le limitates de scientia a probar.

Le theoria del evolution es un theoria de como organismos
vivente (que jam existe e ha essite create) mutar se e
adaptar se a lor ambientes, que selectiona certe individuos
a superviver e reproducer se plus que alteres.

E si, illo es un theoria.  Il non ha theorias scientific
que non ha le possibilitate de esser refutate con nove
evidentia.  Mais on debe distinguer inter theorias como
le scientia lo face.  Alcun theorias non ha essite
probate, possibilemente es non probabile, proque illos non
face predictiones que pote esser probate con nove observationes
non usate in formular los. Illes non es scientific si illos
non duce nos a predictiones que pote esser probate. Alcun
theorias ha essite discargate, proque certe predictiones de
illos ha essite inconsistente con le evidentia de experientia
usate pro probar los.

Assi a dicer que un proposition es solmente un theoria,
non dice multo.  Mesmo le theoria del persona qui crede
litteralmente in le conto de Genesis es un theoria. Es
illo un theoria probabile con evidentia?  A mi aviso, in
le casos ubi on ha facite predictiones probabile in le
maniera in que le scientia lo face, illo ha essite
disconfirmate.  Mais io crede que le majoritate de creditores
in le Biblia non lo tracta in le maniera de un theoria
scientific.  Illo non es le scientia, mais religion, e
le religion ha altere criterios del veritate que le scientia.
Le problema, a mi aviso, es  a confunder le religion con
le scientia.  Le veritates del religion non es le veritates
del scientia. Le religion non concerne le evolution.

Le religion concerne que il ha alque e non nihil, si o
non le existentia ha un significantia, si tu vita es
bon e ben vivite, que il ha significantia mesmo quando
il ha destruction e dolor, si tu individualitate es
un illusion que es le causa de tu dolor e suffrimento,
e altere cosas ultime como istos.

Philosophicamente, mi salutes cordial!
Stan





Stan Mulaik