Car amicos,
Europanto - ecce un exemplo de idiotia sublime que nos
poterea lassar totalmente a parte de qualcunque consideration
si  a) iste parodia non recipeva tanto de publicitate (plure
grande articulos in plure paises!) e b) si illo non esseva presentate
con le humor burlesc (quasi grottesc, como vos potera vider in le
sito principal), un sorta de humor que multo place a studentes e
academicos retentente lor attitude studentesc!

Le similitate inter Europanto, Transpiranto, mentionate per Kjell
e Esperanto nunc ha provocate un esperantista, Dominique Couturier,
a scriber un longe articulo, "explicante" que Europanto es un burla,
sed Esperanto un ver lingua.  (Esque le publico videra le differentia??!)

Vos lo trova in <http:// perso.wanadoo.fr/enotero/index.htm>

Ibi vos trova le articulos: Europanto: un gag polyglotte,
Parlement Européen: des députes réagissent au babelism   e
L'interlingua sur le web?     In iste ultime le autor perfidemente
proba provar que le lingua de IALA  a pena es presente...
In un relapso in honestitate ille tamen admitte que "altere motores
de recerca que AltaVista contine plus de ligamines a Interlingua".

Salutes amical,
Ingvar

Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>
<http://www.interlingua.com>