Kjell, Vostre remarcas super Kosovo esseva bon e perspicace. Le conflicto inter le Serbos e altere populos ethnic e religiose in le previe Yugoslavia ha essite tanto violente que le resto de Europa e le Statos Unite non pote ignorar lo. Io suppone que on pensa del regno de Hitler e lo que ille ha facite al judeos, slavos, etc. etc., e que pro un longe tempore in Europa necuno opponeva lo que pareva solmente un affaire internal de Germania. Non plus. Le Serbos ha le predominantia de material de guerra e ha usate lo contra le populationes nonserbian de Yugoslavia. Realmente, le responsabilitate non es lo de tote Serbos mais principalmente de "Presidente Milosovic" qui ha usate le conflicto ethnic a consolidar su poter. Le objectivo del bombardamento es a reducer le capacitate de Serbia a usar su tanks e artilleria contra le civilianos de Kosovo e a fortiar les a retornar al tabulo de discussiones con le kosovares e a permitter un fortia neutre de OTAN a intervenir inter le duo campos pro facilitar un retorno al pace. Il es tragic que le populos del Balkanes non vide que le violentia es le via a lor destruction mutual, que in pace e per cooperation illes pote levar se. Illes ha essite mal servite per leaders como Milosovic qui exacerbar le conflictos ethnic pro augmentar lor poter. Stan Mulaik