(Bisogno di aiuto con l'italiano.) Essera vetate le publicitate de tabaco (Le nove dispositivos debera entrar in vigor intra le proxime tres annos) Le Assemblea, assi como le Consilio, pete le interdiction del publicitate e del monopolio del productos de tabaco al interior del Union Europee. De facto, conforme al directivas del Parlamento, le texto del position commun sublinea le absolute necessitate de frenar, e mesmo annullar, le effectos declaratemente deleteri derivate del publicitate del productos tabagifere. Non se pote ignorar -- ha affirmante le relator del commission ambiental Christian Cabrol (UPE, F) -- datos como illos que reporta le taxa de mortalitate causate per le fumo: cata anno in le Union, ultra 500 [mila] personas mori per le consequentias del tabagismo. Pois que se ha constatate que tote le formas de publicitate incoragia a fumar, il es [giunto] le momento de [adoperarsi] pro mitter fin a iste "massacro institutionalizate". Le Assemblea ha ergo adoptate le position commun sin emendamentos, considerante le texto le melior compromisso possibile inter le exigentia de garantir un interdiction general pro le publicitate del productos derivate del tabaco e le necessari prisa in consideration de un indispensabile adjustamento economic. Comocunque sia, le cammino a percurrer pro debellar iste plaga pare ancora longe. Le position commun previde de facto un prorogation general de tres annos pro le transposition, in le respective legislationes national, del normativa europee, a fin que tote le paises membros habe le tempore necessari e sufficiente pro conformar se. Gianni Tanino (Verdes, I) ha declarate esser contra tote forma de prohibitionismo ma que le tabaco provoca problemas al salute. Il es un contra-senso actuar in un politica de prevention del tabagismo e lassar que le productos del tabaco sia publicizate in modo directe e indirecte. Le orator ha pois reclamate le obra disveloppate per le organizationes de medicos e citatanos, como tamben per le organismos international que se [prodigano] per luctar contra le diffusion del cancere e per le recerca in le sector e ha concludite exprimente plen appoio al reporto Cabrol. Elena Marinucci (PSE, I) se ha felicitate per le selection del Parlamento e ha petite mesuras accessori, como le augmento del impostos super le tabaco, le education al salute, le controlo del distributores automatic. Le oratrice ha affirmate in ultra que on non besonia penalizar le production de tabaco in Espania, Grecia e Italia, perque illo non resolverea le problema del tabagismo. Le major parte del production de tabaco consumite in Europa proveni de facto del Statos Unite. Nettemente contrari al proposition como formulate per le commission ambiental -- que in ultra reprende in toto le texto del Consilio -- se ha dicite Livio Filippi (PPE, I) secundo le qual le reporto non prende in alcun consideration le repercussiones negative que un prohibition del publicitate pro le tabaco haberea in le sector socio-economic, supertoto in terminos de empleo. Le problema debe esser confrontate con major equilibrio, e le solution melior esserea reinviar le directiva al Consilio pro un ulterior examine e pro un su transformation in recommendation, con poteres minus vinculante e con major spatio pro le subsidiaritate. Le commissario Pádraig Flynn ha declarate que le position commun del Consilio non se ha distantiate del spirito del proposition elaborate per le Executivo. Ante le numero de mortes per maladias debite al tabagismo, Flynn ha sublineate le importantia del prevention, particularmente inter le juvenes. [Ensjo, Europa Oggi, maio/98] ______________________________________________________ Get Your Private, Free Email at http://www.hotmail.com