Le hora es approchante 11 ante meridie, e io non ha le tempore pro dar le detalios, que io intende facer plus tarde, mais heri a vespere, il habeva un cacia dramatic del policia pro caper duo fures in un Chevy Suburban (un grande vehiculo utilitari de sport) super le superstratas circa Atlanta. Nos observava le cacia per le television, con le helicoptero de novas volante supra le fures, sequente le action per le camera de television. A vices le cacia attingeva velocitates de circa 190 kmh. Le cacia commenciava al sud de Atlanta al superstrata I75, vadente sud. Le fures esseva sequite per plure automobiles del policia. Altere automobilistas esseva animadvertite a evitar le superstratas o vader al latere del stratas. Durante le cacia le fures reversate lor direction per facer un torna retro a Atlanta in le via circulante al nord. Illes entrava Atlanta e con le policia ancora in prosecution de illos, illes vadeva per le partes residential a un alte velocitate. Le policia non voleva fortiar un movimento hic pro salvar le cititanos. Finalmente le fures retornava al superstrata I20 vadente al west. Alora illes conduceva les al superstrata I285 que vade circa le citate in un circulo. A iste puncto le fures passava inter duo automobiles in le superstrata e veniva in contacto con ambe, causante scintillas a esser ejecte e ponente le lampas al fronte del vehiculo ultiltari del fures a esser directe al latere. Nonobstante isto non stoppava les. A un altere loco le policia essaya bloccar lor via con lor proprie automobiles, mais le fures conduceva lor vehiculo per un muro dividente de beton como si illo esseva le papiro e escappava. Finalmente illes circulate circa le citata al est del citate e foras un altere superstrata in le vicinitate de me previe casa al est de Atlanta, ubi le policia finalmente fortiate le vehiculo del fures a perder le controlo per un movimento habile in que un auto del policia poneva le vehiculo del fures a su latere sinistre al posterior del vehiculo, fortiante le posterior a torna se al sinistre in un torna a "U". Alora le mesme auto del policia moveva a bloccar le posterior del auto contra un muro dividente le strata, durante que duo altere automobiles del policia, bloccava le via del fronte del vehiculo del fures, que ora esseva in un position reverse. Le duo fures saltava de lor vehiculo e curreva trans le strata. Uno esseva presso a choccar se contra un automobile passante le accidento, mais ille evitava illo, alora curreva trans le superstrata e alora veniva a un alte muro, a basso que ille debeva saltar. Isto ille faceva, e ille curreva a un grande magazine e centro commercial. Mais le policia curreva rapidemente in prosequer le, e finalmente illes le capeva e su amico. Un esseva, io opina de 18 annos, le altere 15. Plus novas a ll. Stan Mulaik