d[020625] x[Kiviaho Allan] z[KivA-25Ogf interlng JesF FIN] s[Erkko, Stalin, Riefenstahl, Hitler - "Sic transit ..."] [log in to unmask] [log in to unmask] FIN Avete interlinguaturi, interlinguaturus vos saluta! Ecce duo exemplos de illo, quanto le mundo ha se cambiate post le collapso del bolszevismo in Russia. -------------------- Komsomolskaya Pravda -------------------- Le 1939-10-05 le governamento de Finlandia recipeva invitation del Union Sovietic pro "consultationes" in Moskva. Finlandia respondeva con mobilisation de su armea (le famose "YH" - Ylimääräinen Harjoitus - Exercitation Extraordinarie) e le concentration de illo a nostre frontiera del est. Durante le "consultationes" Stalin demandava territorias in le Isthmo de Carelia sed offereva plus grande territorias in plus nord como compensation. Nostre ministro del affaires estranier, Eljas Erkko, diceva que "Finlandia non va dar un uncia de su territoria". Le politica de Finlandia contra le Union Sovietic era noncompromissic benque Finlandia era multo troppo economic con su expensas militar. (Durante le Guerra Hibernal 1939-40 Eljas Erkko era le ambassator de Finlandia in Stockholm, Svedia). Alicun historicos ha scripte que Finlandia deberea haber essite plus flexibile in le negotiationes. Illo era etiam le opinion de marechal Mannerheim. Post le collapso del Union Sovietic on ha trovate in le archivos in Moskva documentos que indica que Stalin habeva se decidite capturar tote le Finlandia jam longe ante le octobre 1939. Totevia, le ministro Eljas Erkko era cognite como le plus ardente russo- e sovietophobe persona in Finlandia. Su descendente, Aatos Erkko, es un mogul de pressa ("Berlusconi de Finlandia"), le possessor del plus grande casa de media in Finlandia, le SANOMA WSOY, que publica i.a. le "Helsingin Sanomat", le plus grande - quasi monopolistic - jornal in Finlandia. Ante alicun dies Aatos Erkko comprava un quantitate considerabile de actiones del "Komsomolskaya Pravda" (Le Veritate de Komsomol, Komsomol = Kommunisticheskií Soyuz Molodezhi = Union Communista del Juventute), le plus popular jornal in Russia hodie. Sic transit gloria mundi! ------------------------------- Leni Riefenstahl e Adolf Hitler ------------------------------- In Sankt Peterburg ha loco le festival annual de peliculas documentari. Un del plus prospective candidatos pro le premio del optime pelicula del festival es un documento finlandese super le prisonieros permanente in Russia. In le previe anno le plus celebrate invitato del festival era Leni Riefenstahl, la plus celebre regisseur de peliculas in Germania durante le periodo del socialismo national e un grande favorita de Adolf Hitler. De novo: "Sic transit ..." Salutante Allan Interlingua: Aut vincendum aut moriendum! Vincemos o morimos! In GODe we trust! ============================================= Kiviaho Allan SILY - Suomen Interlinguayhdistys ry. FILF - Föreningen för Interlingua i Finland AFIL - Association Finlandese pro Interlingua Kivimäentie 16 E. FIN-01620 VANTAA. Finlandia [log in to unmask] http://www.kolumbus.fi/allkiv http://www.interlingua.dk/2001.htm http://www.interlingua.com Tel. + 358 - 09 - 898 720 GSM + 358 - 050 - 3616 759 =============================================