Io pensa que le celebration del natal esseva interdicite per le puritanos proque illo esseva similar a un rito pagan. Mais in le sud est part del Statos Unite le saison de Natal commencia le die post le Die de Dar Gratias, que occurre le jovedi del ultime septimana de novembre. A aquelle die le gentes del sud erige le arbo de natal e va al centros de shopping, ubi le magazines ha venditas a bon precio. On compra le donos que on va dar su familia, parentela, e amicos a natal. Quando le nocte justo ante natal veni, le infantes es excitate con anticipation. Illes va a lor lectos con visiones de prunas de sucro dansante in lor capites -- al minus assi dice le poema, "Le Nocte Ante Natal". Iste nocte Santa Claus (Sta. Nicholas) veni con su slitta tracte per 9 renes, portante con ille un grande sacco plen de joculos pro le infantes. Le legenda es que Santa Claus aterra su slitta super le tecto del casa e ille veni per le camino in le casa, ubi ille discoperi le arbore de Natal e pone le donos pro tote le mundo in le familia al base del arbore. Ille va vider le calceas suspendite del mantello, e ille va plenar los con parve joculos, bonbones, e sucro candite. Finalmente ille retorna al camino e salta per illo a su slitta super le tecto, e ille crita "Gaudiose Natal a Totos" e disapparer in su slitta in le celo pro vader a altere casas. Mais il ha cantos in le radio de Natal, e un es cantate per un infante, "Io videva mama basiante Santa Claus a nocte", e le adultos ama isto. In le matino de Natal, tote le familia ha lor jentaculo, alora illes se move al salon ubi le arbo de Natal es decorate con lumines e ballas e spheras de vitro, nive artificial, con un angelo al culmine del arbore. Sub le arbore es le donos, inveloppate in brillante papiro verde o rubie (le colores de Natal). Le infantes es excitate como illes divelle le donos a discoperir lo que es in illos. Postea le infantes va visitar le casas de lor amicos pro apprender lo que illes ha recipite como donos. E frequentemente le familia va al casa de un altere membro del familia pro un tarde dinar ubi o un gambon o un gallo de India es le curso principal. Le succedente die post Natal, le gentes del sud del Statos Unite dismontar lor arbore de Natal, e toto remane normal usque a le vigilia del nove anno. In le nord del Statos Unite, le celebration de Natal es multo similar. Mais in loco de eriger le arbore le die post le Die de Dar Gratias (circa 27 de novembre), illes lo erige circa le 15 de decembre, e illes lassa lo remane erecte usque le die post le nove anno. Equalmente al saison de Natal il ha servicios in le ecclesias le nocte ante le Natal pro celebrar le nativitate de Jesus. Mais le Natal ha devenite como le puritanos ha dicite, un celebration commercial, de reuniones de familias, e le excambio de donos. Stan Mulaik