Io mirava le mesme programma, "Le secretos final del germanos e le japonese de Guerra Mundial II" al canal de historia in le television heri post meredie. Illo describeva como le svastika del nazis esseva introducite per Karl Ernst Haushofer, qui esseva describite como "le Merlin de Adolf Hitler". Haushofer esseva un officiero del artillery in le armea german ante e durante le Guerra Mundial I. Ille se levava al rango de General durante aquelle guerra. Post le guerra ille assumeva un posto in le facultate del universitate de Munich como un geographo. Haushofer esseva un genios con linguas, e studiava multe linguas oriental, includente sanscrito e japonese. Ille discoperiva le svastika in textos buddhista, ubi illo significava "resignation" o renunciation de desiros. Haushofer credeva que le svastika esseva un ancian symbolo del antique aryanos. In su quasi mythic religion del racia aryan que habitava un terra cognoscite, io pensa, come Thule al parte le plus nord de europa, le aryanos esseva superhomines, de grande fortitude, puressa de motivo, e le svastika esseva lor symbolo. Como io ha scribite previemente, como un geographo, Haushofer credeva que Germania poteva junger se con Russia e Japon pro dominar le mundo contra le anglese, americanos e francese. Ille cercava alcun politico pro implementar su ideas, e ille discoperiva Hitler. Haushofer deveniva le theoretico del partita nazi. Quando Hitler esseva imprisionate post un coup del nazis que falleva, Haushofer frequentemente visitava Hitler al prision, e on dice que ille explicava su ideas del domination del mundo a Hitler, qui esseva multo receptive. De plus on dice que Haushofer adjutava Hitler in scriber "Mein Kampf", e multe del ideas central de aquelle libro es de Haushofer. Haushofer como un homine juvene habeva habitava Japon pro duo o tres annos, studiante le cultura japonese e lor lingua. Ille esseva multo impressionate per le societate secrete del Dracos Nigre, un societate militante con multe influentia in Japon. Le Dracos Nigre derivava lor richessa de controlo del excambio de heroina in Asia. Le Dracos Nigre inspirava Haushofer a crear un similar societate german basate super su culto del superhomines aryan. Ille credeva que le germanos e le japonese habeva similar culturas e pote cooperar in dominar le mundo. Haushofer equalmente fundate le societates de cultura german, le Bund ante le guerra mundial in multe paises ubi il habeva gentes de descento german. Isto esseva un instrumento pro extender le poter de Germania. Si alcuno habeva assassinate Haushofer, possibilemente milliones de gentes haberea supervivite le annos de 1935-1945. Su ideas esseva directemente responsabile pro le Guerra Mundial II. Fortunatemente, le odio de Hitler contra le slavos, duceva Hitler a attaccar Russia in loco de mantener su alliantia con illo. A Haushofer isto esseva un grave error, totalmente contrari a su idea de un axe de Germania, Russia e Japon. Ben que Germania pareva venir proxime a vincer in Russia, su stupide ordines a resister a tote precios in loco de retractar a melior positiones al west, permitteva le russos a destruer grande armeas german. -- Un altere facto nove pro me esseva que le italianos ha date informationes essential al japonese super le designo e fabrication de motores jet. Infortunatemente pro le japonese iste information arrivava troppo tarde. Illes non habeva sufficiente numeros de tal aeroplanos al fin del guerra a contrar le bombatores del americanos, como le B-29. Le japonese equalmente habeva designate grande bombatores de lore que poteva attinger le costas del Statos Unite. Con alcun plus menses illes possibilemente poteva reversar le curso del guerra. Lor scopo esseva a usar tal bombatores a portar bombas de germos como anthrace. In Manchuria le japonese habeva erecte un major programma de recerca - al magnitude le programma del americanos pro crear le bomba atomic - a studiar le guerra bacteriologic. Illes habeva discoperite como a facer bombas cuje explosiones non occiderea le germos mais disperger los in le aere super citates. In reflexion, il me pare que il esseva bon que le Statos Unite habeva usate le bomba atomic, lassate cader super Nagasaki e Hiroshima, a fortiar le capitulation del japonese. Si illes habeva plus tempore pro fabricar lor interceptores jet e lor bombatores de longe distantia, possibilemente illes haberea occidite milliones de statosunitese, e le guerra haberea durate plus longemente. Stan Mulaik