Car amicos, Io ha retornate de mi viage a Fortaleza, capital del stato brasilian Ceará, e ora reprende mi activitates interlinguistic. Fortaleza es un citate litoral, al costa atlantic, e io ha gaudite del sol e del plagias de aqua salin, insimul con mi sposa Rosana e nostre respective matres, qui non ha habite multe opportunitates de cognoscer altere statos brasilian in lor vitas. Nos ha visitate ferias de artisanato [handicraft] local. Inter le diverse e interessante pecias de artisanato "cearense" io va citar le designos facite con arena de varie colores intra recipientes de vitro. Le artisanos crea paisages con casas, montanias, palmas, plagias, barcas, nubes, etc., per mitter in contacto con le superficie interne del vitro le colores juste in le locos juste. Un exemplo pote esser viste al adresse: http://planeta.terra.com.br/arte/folklore/images/artesanato/areia/tac a.jpg Il ha 12 colores de arena obtenibile "in natura" per le litore "cearense" (blanco, gris, nigro, rubie, bruno, roseo, beige, etc.) secundo le minerales que le arena contine. Altere colores es producite artificialmente per tinger le arena blanc. Nos ha comprate alcun parve bottilias (solo con colores natural) como souvenirs. Fortaleza es un bon option pro vos amicos qui vole gauder de bon plagias plen de "sol e sal" :^). Le infrastructura es bon pro reciper touristas e le gente es multo cortese. Io ha notate un certe profusion de italianos. Touristicamente, Ensjo. ------------------------------------------------------------------- -->> Add WEB ACCESS to your POP email accounts with -->> FREE Perl CGI scripts! Download today! http://www.adjeweb.com -------------------------------------------------------------------