Car amicos!

Recentemente Erik Enfors ha create registrationes audio in interlingua (http://untorrente.blogspot.com/2006/08/file-audibile.html), e ille los ha ponite al rete.

Antea io ha facite e publicate tal registrationes in mi blog (http://zalaegerszeg.blogspot.com/2006/08/files-audio-in-interlingua-experientia.html) de plus bon hora, que Erik. (Ma intertanto le servitor Extra.hu deleva tote mi files audio in interlingua immagazinate ibi, assi io debeva registrar de novo tote le textos e poner los a un altere servitor. Isto io succedeva facer iste septimana. Illos es equalmente acquiribile in le blog Internodio - http://internodio.cjb.net/ -, al textos in question.)

Le files audio dicite per Jan Armann, Erik Enfors, e alteres se trova sub http://www.interlingua.nu/paginas/exemplos/index.htm . Iste files era le prime exemplos sonic de interlingua in le rete, que io cognosceva (alora ancora de un altere loco).

De plus bon hora anque Martijn Dekker ha create "versiones sonic" de su entratas in le archivos del blog Internodio (http://internodio.cjb.net/)

Recentemente anque Paolo Castellina ha facite registrationes audio (http://www.paolocastellina.net/interlingua/audio/index.htm) ma ille pronuncia le 'g' ante 'e' e 'i' secundo le maniera italian (gente = dzhente, general = dzheneral, etc.), durante que in interlingua le 'g' remane 'g' pronunciate (excepte le desinentia -age, naturalmente, que se pronuncia como -azhe o -adzhe). Ille ha publicate su registrationes in formato wma (Windows Media Audio) e illos es repetite in formato mp3 in le sito www.interlingua.com (vide iste ligamine - http://www.interlingua.com/e-libros-deceduo -, ubi io ha scribite mi critica, como commentario.

E le plus recentemente Thomas Breinstrup ha facite registrationes auditive, vide le informationes hic (http://www.interlingua.com/novas/2006-09-17-audio), e ascolta le files de hic (http://www.interlingua.com/instruction).

Il es multo a gaudiar, que in le ultime tempore se ha facite multe exemplos auditive de interlingua, discargabile del internet, ma si nos discoperi errores de pronunciation in nostre registrationes, nos debe facer noves in vice de illos, corrigente los. Le interessatos, apprendentes de interlingua besonia tal juste exemplos sonic, como possibile.

E on anque non debe oblidar, que versiones sonic de entratas textual in blogs, versiones sonic de textos ja scripte non reimplacia le besonio del "Radio Interlingua" o alicun simile; dunque non illo del "broadcasts" (emissiones) de radio regular in interlingua (con novas actual, etc.).
A revider deman in le chat de interlingua! (Pro le detalios technic vide mi sequente message.)

Péter Kovács

--
Archivos e disabonar: http://listserv.icors.org/archives/INTERLNG.html