Io non lo usara. Gratias pro le pensatas in re un
bandiera pro interlingua, si illo deveni un realitate
illo non essera mi realitate.

Que le UMI ha un bandiera il non me importa
in grande maniera. Si le logo del UMI es ben
definite illo pote esser un adjuta al recognition
de Interlingua. E isto esserea bon cosa. On
poterea tunc haber vestimentos con logos
e mottos del UMI. Ma...

Le Interlingua es un lingua international.
Gode mesme nos diceva del periculo del
fanaticismo e le association con le methodos
del esperantistas. Io non vole necun stella
pro mi vestimentos, blau o mesmo verde.

Ma in alcun sitos on trova un bandieretta
blanc con le parola in blau "INTERLINGUA"
isto non me offende, illo non es un bandiera
official. Illo es pro me multo como le camisa
de Alyssa in su sito. De colores belle e ben
presentate, simple e digne. Isto es bon in mi
puncto de vista.

Si le UMI vole haber su proprie bandiera,
tunc que illa lo habe. Ma io non preca mi
fidelitate a necun drappo de colores.

Si nos essaya associar le belle lingua que
nos gaudia usar con un identitate pseudo-
nationalistic, como le esperantistas face
con su stella verde, le periculo es multo
real que nos essera vidite tanto como
fanaticos que alcun de illes son.

Le logos son bon cosa quando illos offere
promotion e propaganda pro un servicio
o un negotio, ma in mi opinion quando illos
servi un pais o un ethnicitate illos solmente
offere differentias concipite e prejudicios
inventate. Esque vos ne recorda le bandiera
rossa con le circulo blanc e le swastika?
E que? Esque illo non representava necun
cosa? Ay! Le symbolismos significa alco!
E io non vole involverme con necun symbolismo
nationalistic.

Tunc, per favor, considera mi parolas, e
comprende que si vos decide haber un
bandiera pro un lingua io non lo usara.
Un logo o un motto es un altere cosa
e si le UMI, e non Interlingua per se
ha un motto o un logo illo me pare ben
appropriate.

Sincermente,
Jay B.

> Iste parolas es argumentes sufficiente pro un bandiera o logo. Perque non
portara nos omnes un tal bandiera sur nostre jachettes o altere vestimentos
pectoral. Plure organisationes porta un tal insignia. Multe personas
demandarea lo que le insignia significa e isto esserea opportunitates bon
pro informationes re interlingua. Io vota pro un bandiera e il ha plure
propositiones ben, forsan le plus ben es le bandiera blau con triangulos per
Kiviaho. Le possibilitates pro variantes national es multo genial.
> Erik Enfors