>
>Date:    Sat, 7 Feb 2004 10:07:08 +0100
>From:    Alberto Mardegan <[log in to unmask]>
>Subject: Re: [actualitates_in_interlingua] Explosion in Metro de
>Moscova Occide          39
>
>On Fri, Feb 06, 2004 at 12:55:53PM -0500, Paul LeCorde wrote:
>[...]
>> Ha vos opiniones de iste actualitate? Le mundo deveni
>> plus espaventante cata die. Que pote governamentos
>> facer pro evitar tal actos de terrorismo? Qual es
>> vostre opinion re lucta de Chechnia pro separation
>> de Russia?
>
>Pro me, cata population qui demanda le separation de un nation, ha le
>derecto de obtener lo.
>
>On pote seliger varie modellos de separation (federation, o
>separation total), ma iste decisiones pertine solmente al
>population separatista.
>
>Io spera fortemente que le lucta de Chechenia habera successo. Si le
>governamento russe esseva plus
>intelligente, tote iste violentias (e illos que va evenir) non haberea
>existite.
>
Como un americano statosunitese io es ambivalente.

Le historia de nostre nation ha le guerra civil de
1861-1866. Le Sud voleva seceder del union, e le  Nord
voleva stoppar les.  Le Sud voleva seceder pro continuar
de practicar le sclavitude e pro le independentia del
industrias del Nord.

Le ideal de autogerentia ha un elemento del democratia
in illo. Mais illo pote esser usate a justificar le
repressive regula de un é lite qui vole imponer lor
proprie valutas super un populo. Equalmente le un que
vole retener le 'union' vole imponer lor valutas super
toto.  Io crede que le caso de Chechenia es multo
ambigue.  Le musulmanos possibilemente vole imponer lor
variante de wahabbiismo, que es contra le equalitate de
homines e feminas, super lor populo.  Le russos vole
retener le pais pro su ricchessas natural (que le
populo local equalmente vole).  Isto es un causa que
solmente le partitas dividite pote resolver, o
pacificamente o per le guerra. Il non ha clar indicationes
de qui ha le derecto moral superior, in mi opinion.

Cordialmente,
Stan