Ante le Guerra in Irak il habeva personas de Svedia qui viagiava a Baghdad  
pro ager como scutos human. Il habeva anque demonstrationes contra un  
eventual american invasion in Irak, e ego cogitava si il es sage  
participar in demonstrationes contra le guerra. Mi conclusion era que ego  
non vole participar in dar ideas a Saddam Hussein que le mundo es tanto  
pacific que illo va tolerar toto que ille face. Le controllatores del UN  
non poteva trovar le celate armas. E on ridiculisava multo Hans Blix, qui,  
de facto haberea ration!

A tremenbe costos on ha de novo apprendite que il es impossibile facer  
revoltuion pro un altere populo. Le populo ipse debe facer iste revolution.

Mi impression es que le administration del Statos Unite ha troppo credite  
in le opposition de varie paises totalitari. Pro exemplo in le paises  
communistic il habeva obviemente gente qui supportava le regimes, e le  
contra-regimes pensava que le Statos Unite va supportar un rebelion, lo  
que naturalmente non era multo probabile. Compara le revolution, rebelion  
in Hungaria in 1956 o le invasion in Tchecoslovachia in 1968. Le forte  
remedio totevia era le stilo de vita in le Statos e le interesse del  
populo viagiar ibi e laborar. In Polonia, secundo mi memoria, le dollar  
statounitese era le secunde valuta in le pais!

Ante alcun septimanas ego audiva un programma in le radio ubi on narrava  
del juvenes in Tehran qui in partias secrete bibeva alcohol e se vestiva  
levemente, lo que es interdicte in le presente regime. Ma si il haberea un  
attacco a Iran tote le populo va certo unir se contra le invasor. Ego  
dubita qeu le medie classe es sufficientemente forte pro permitter un  
successose occupation de Iran, Ma per le tempore le opposition certo  
essera sufficentemente forte pro realisar un cambio in Iran.

Tamen on debe memorar le peccatos del paises occidental, e le iranianos  
los memora, a saper le regime de Doctor Mossadeq qui esseva, anque per  
nostre medios in Svedia, describite como un diabolo communista. Lo que  
ille voleva crear era un regime secular democratic que ipse (mesme) va  
dominar le industria petrolie. Per un multo habile action le CIA succedeva  
cambiar le massas assi que illos revolteva contra Mossadeq e institueva le  
Shah Reza Pahlavi, qui se evolueva a un sorta de Stalin con plus de  
pecunia que le patrono (modello!) por allevar le standard de vita in le  
pais.

Un mi studente me narrava que ille, durante su servicio militar, habeva  
laborate in un distante village, inseniante le gente leger e scriber! Assi  
que le shah non era totalmente negative, ben que ille in un maniera cruel  
persequeva le opposition, un habito que le presente regime, secundo le  
reportos attingante me, sembla continuar.

Ego spera que le gente extra Iran pote participar in crear plus de  
contactos e dialogos. Per plus de contactos con le estraniero le regime  
habera plus de information e comprendera que le estraniero non es  
dangerose, proviste que le US non ha planos pro invader le pais, lo que me  
sembla enormemente stupide, si illo va occasionar. Compara le benigmitate  
verso Korea Nord comparate con le aspere parolas al Iranianos!

Justo nunc ego audi de un ayatolla Burudjardi qui ha incontros quasi  
ecumenic qui pete le adjuta de Svedia pro que su voce unificara le populo  
con Deo. Multo interessante!

Kjell R
 

--
Archivos e disabonar: http://listserv.icors.org/archives/INTERLNG.html