Car amicos,
Jollino scribeva:

> Amicos,
> io vos scribe iste parve message pro informar vos  que io va
> deinscriber me de tote iste listas e que io sera un pauc distante del
> projectos de lingua auxiliar. Io non me senti parte de iste
> communitates, ultimemente, e io ha problemas plus importante a
> considerar.
>
> Un die io retornara... forsan.
>
> Ciao

Il pare que le Universo habe plus que 13 miliardos de annos e un ordine o duo de
magnitude in plus de planetas. Le planeta Terra habe plus que 6 miliardos de
habitantes qui parla qualque millenas de linguas. Ergo, le probabilitates que
Jollino, Josu, Ian, Harleigh, Ensjo et al. vive omne in le mesme tempore, sur le
mesme planeta e parla le mesme lingua es plus proxime al zero que un mente human
pote comprender. Un animo religiose poterea appellar iste phenomeno como un
miraculo. Jollino, vole ben considerar isto: omne nos, de nostre parve gruppo,
recipeva e recipe in nostre vita extra-Interlingua le insultos magne e parve del
sorte human (karma ne). Harleigh esseva discriminate proque homosexual, Ensjo habe
le dengue chronic, Josu es euskadi in Espania, Ian dice nulla ma forsan habe
qualque dolor al ossos etc.: ben, io es certe que plure vices iste personas, in
leger/scriber le posta de INTERLNG, oblidava le offensas del vita e se sentiva "in
su domo". Como sape io iste res? Proque le mesmo occurreva a me.

Cura ut valeas

robocap

P.S. Io observa que Interlingua es bellissime, nonne?



---
Outgoing mail is certified Virus Free.
Checked by AVG anti-virus system (http://www.grisoft.com).
Version: 6.0.588 / Virus Database: 372 - Release Date: 14-02-2004