Harleigh Kyson Jr. wrote:
>(...)
>
>Crescente numeros de americanos recognosce isto e non
>participa in nostre electiones. Pro multes ex nos,
>iste es le sol maniera que nos pote usar pro registrar
>nostre dissatisfaction con nostre systema corrupte, e
>in le election inter Gore e Bush votava minus que 50%
>del electorato american eligibile.
>
>
Le facto es que simile tendentias existe anque in le paises europee. On
nota un diminuente numero de votatores. A mi aviso isto es a ascriber al
"factor de divertimento". On trova isto anque in organisationes ideic
(como le movimento antialcoholic o pro linguas auxiliar). Si il ha un
directorato, politicos etc. qui face le labor toto es in ordine, e le
parve punctos de plancto que on ha, non es tanto grande que on vole
facer un acto politic pro illos.
Partitos representa varie gruppos de interesse in le societate, e io
suppone que al comenciamento del evolution, le distinctiones inter varie
partitos era multo grande, sed con le tempore iste distinctiones ha
devenite minime. Le politologos parla de maximation de votos, lo que
significa que varie partitos combatte pro obtenir le votos marginal.
On vide tamen interessante cosas in nostre paises europee. Quando il se
tracta del introduction del euro il non ha un socialistic leve
(sinistre, io prefere leve ante "sinistre" que ha infelice connotationes
in alcun linguas, durante que leve se associa con "non pesante" e non
derecta), socialdemocratic, liberal, agrari o conservative politica
verso le euro. Le elita politic comprende le necessitate del
introduction del euro, ma grande sectores del population non comprende
isto, e subito on debe arrangiar referendums pro solver le question.
(In Svedia le referendums es consiliatori, non decisive).
Personalmente io crede que le causa de iste systema es que le politicos
es mixate in le gestion detaliate del cosas, lo que io crede es un
error. A mi aviso le carga del politica debe esser legislative e non
executive. Pro le execution on debe haber responsabile officiales (in le
administration local e statal).
In Svedia pro exemplo le rolo politic e official ha devenite implicate,
complicate, assi que il es difficile vider quando le rolo politic fini e
le official (o forsan un emlior parola esserea administrative) comencia.
Compara anque le systema del Statos Unite ubi, si io ha ben comprendite
le systema, omne functionarios, burgomaestro, chef del policia local,
judices etc. es eligite secundo meritos de partito...
Al minus in svedia il ha le systema de politicos qui labora in su
tempore libere, e in multe casos neglige et su vita personal e su
familias, durante que alteres es politicos a plen tempore, i.e. le
politica es un labor pro illes.
Le ecologistas proba cambiar iste systema, sed le tendentias de
professionalisation es tante forte que il es dubitose si on succedera
conservar su profilo de "partito amator" (que io in iste caso usa
totalmente neutralmente, ben que io ipse non es sympatic a lor politica
in Svedia).
In conclusion: Le convergentia de varie partitos politic e le diminuente
interesse in cosas politic es un fenomeno que concerne le majoritate del
mundo nord, del mundo industrialisate.
Kjell R.
|
