[log in to unmask] wrote:

>(...)
>Il es multo triste, ma il ha multe scholas con
>instructores qui sovente insulta lor studentes.  Io
>mesme a vices ha essite victima de tal instruction.
>Sovente illo inspira inter su victimas un alienation
>total verso le instruction scholar.
>
>Como diceva Pink Floyd:  "We don't need no education.
>/ We don't need no thought control."
>
Mi infantes qui vadeva in classes musical cantava isto al fin del anno
scholar! Stupefacente! Ma anglese es in le curriculo :-)

Le estate es un stato de culto ci in Svedia (viste que illo es tanto
curte e generalmente plus de un promessa que un implimento de uno :-) e
claro que anque nostre Radio National, (Radio Sweden) ha un
programmation que se appella "Estate". Un plus o minus cognoscite
persona parla e sona discos. Le dominica passate parlava le ministro
exterior de Grecia. De su tempore in Svedia como refugiato ille parla
ben le svedese. Giorgios Papandreou narrava del tempore scholar que un
instructor grec le habeva ebattite un dente, nam  le juvene Giorgios
habeva facite un multiplication incorrectemente. Grande era su surprisa
quando ille in le schola svedese se torna al instructor de musica  per
"Sir" e recipe le responsa: "Mi nomine non es "Sir", illo es Roffe" (un
diminutivo de Rolf in Svedese) e G. P. pensava que "Ha, le instructor
pote anque esser mi collega, mi amico..."

Il es un ex sempre plure europeos qui ha vivite in varie paises europee
con diverse experientias, e ille ha certo prendite impressiones con se
de Svedia a Grecia. Nos va cambiar linguas, culturas, mangiar..."

Mi impressiones personal del schola satis negative, io spera que durante
le annos que io inseniava le svedese a adultos io poteva in alcun grado
facer melio que mi instructores, ma le diabulos lo sape! :-)

Kjell R