On 5/10/07, robocap gmail <[log in to unmask]> wrote:
> 2. le servitor non debe plus inviar automaticamente copia integral de
> messages al membros, ma solmente un lista de ligamines al messages nove
Bon die, Roberto.
Reciper le messages de e-mail me place multo. Io personalmente non
volerea reciper solmente un ligamines al messages, proque in mi conta
de e-mail in GMail io pote archivar e cercar con comoditate le
messages que io desira. Le functionalitate de junger tote le messages
de un mesme thread in un sol tela me place multo in GMail.
Felicemente, il es tecnicamente possibile satisfacer le grecos e le
troianos. Pro le personas que non vole reciper messages integral, o
vole reciper solmente un [en] "digest" diari de tote le messages, il
poterea haber optiones pro configuration de tipo de abonamento al
lista. Le persona optarea si ilo vole reciper: a) messages integral;
b) "digest" diari; c) notificationes de nove messages con ligamine a
cata message in aquele die.
> 3. debattos "multithread" dynamic, como p.ex. illos de Meetic: in altere
> parolas, un blog collective
Io crede que tu volerea dicer un forum colective (corrige me si io
compreendeva erroneemente). In iste caso, nos felicemente ja ha un! :)
Tu pote subscriber al sito [http://www.orkut.com/] con tu conta de
GMail. Tunc, tu potera accessar le forum mundial de Interlingua in
Orkut [http://www.orkut.com/Community.aspx?cmm=51066], que ja possede
plus que 100 membros.
> 4. le possibilitate de facer sondages e votationes inter le membros,
> como in le gruppos Yahoo!
>
Isto es un bon idea.
Le forum mundial de Interlingua in Orkut tamben possede le
functionalitate de votationes e sondages. In iste momento, un votation
es aperite in aquele sito: "que esserea le melior lingua auxiliar pro
Europa?". Interlingua possede 50% del votos, Esperanto possede 25%,
Anglese possede 12%, Latin possede 6%, e "un altere lingua non
listate" possede 6%. In aquele sito tamben es possibile comentar in
super le votationes.
Antonielly Garcia Rodrigues
--
Archivos e disabonar: http://listserv.icors.org/archives/INTERLNG.html
|
