Io ha recipite le sequente message del creator del Union
Brazilian pro Interlingua:

From: Ramiro Barros de Castro <[log in to unmask]>
To: "'STAN MULAIK'" <[log in to unmask]>
Subject: RES: U N I  tosto !
Date: Wed, 3 Jan 2001 09:20:27 -0300
MIME-Version: 1.0
X-Virus-Scanned: TRF1 Virus Scanner

Car Stan;

Si, il es clar ! Io ha copias de nostre statuto. Tamen, non sub le formato
electronic.

Si tu me invia tu adresse POSTAL io pote inviar te lo ANCORA ISTE SEPTIMANA.
Un lettera inter Brasil e Statos Unite prende circa 4 o 5 dies utile pro
arrivar securmente. Io debe avisar te anque que nostre Statuto (in
--More--
portugese: Estatuto) es scripte in portugese. Tamen, pro te qui sape
interlingua sera facile comprender lo - io garanti !

Mi experientia in reUNIr brasilianos jam ha plus de 10 annos. Isto occurreva
secundo le sequente passos:

1.] Io scribeva diverse correspondentias a Thomas Breinstrup e Bent Andersen
in augusto 1989;
2] Como resultato concrete de iste conversationes, io lanceava un bulletin
appellate INTERNOVAS in januario 1990, initialmente in 12 paginas formato A5
(postea illo se aggrandiva e se ameliorava);
3] Bent, le olim Secretario del UMI, me inviava un lista con tote le membros
e ex-associatos del UMI in Brasil e America del Sud. Isto pro me esseva un
lista preciose, un puncto de partita pro "conquerer le mercato";
4] Naturalmente io scribeva un circular commun a tote le personas constante
del lista. In illo, io informava a totes mi intentiones sincer de reunir le
interessatos brasilian in un Congresso National pro debater e discuter le
strategias del fundation de un organisation national pro interlingua.
5] Nostre Prime Congresso Brasilian de Interlingua vermente occurreva dum
julio/1990. Se inscribeva 28 personas - un numero non alte, tamen le
sufficiente pro fundar nostre UBI - Union Brasilian pro Interlingua, cuje
Directorio habeva 3 personas: Presidente, Secretario e Tresorero.
--More--
6] Nos anque includeva in le Statutos le Representationes local, municipal
(re le citate), statal (re le Statos) a qui voleva representar nostre nove
organisation in su locos;
7] Per un votation, io esseva eligite le prime Presidente del UBI. Io debe
confessar que io expendeva multe moneta private. On debeva registrar in le
notarios le Statutos, le Acta de Fundation, haber permission pro le numero
de controlo federal pro impostos, e tote le bureaucratia juridic que le
leges brasilian exige pro registrar un association - isto esseva finalmente
facite sin problemas;
8] Le UBI deveniva le bulletin INTERNOVAS como un informativo official del
UBI e tunc, on stabliva precios annual pro su abonamento. Nostre formulario,
tamen, ha "pari passu" (parallelmente) le taxa annual pro UMI e PANORAMA;
9] Le passo sequente era le formation de un parve rete de Representantes
trans tote le pais;
10] Nostre reuniones annual (Conferentias) deveniva eventos promovite per le
UBI;
11] Le principal e consequente esseva le production de nove materiales
didactic pro le inseniamento e apprentissage de interlingua in portugese -
il habeva quasi nulle material captivante pro studiar ante iste effortio.

        Ben, ecce un micre resumo de lo que occurreva. Si vos vole facer
alco, face lo ! Non attende troppo - le tempore urge. On debe discuter,
debater, tamen on debe necessarimente haber resultatos concrete pro vostre
initiativa.

        Io attende tu responsa informante - si tu vole - tu adresse postal
pro invio postal del statutos.

        Salutes cordial,


                Ramiro B. de Castro
                   Brasilia - DF
                [log in to unmask]