Car omnes
Primo io vole ben desirar a vos omnes un felice natal.
Secundo, io volerea appreciar apprender un poco del costumes natal de vostre
pais. In nostre era globalisate, le costumes es naturalmente multo simile e
omne nostre paises, ma totevia il ha certo differentes, benque illos es
parve.
Lassa me commenciar con alcun observationes del natal 'typic' in Danmark.
(Multo simplificate e con focus al lateres del natal, que io crede pote
variar de(?) altere paises.)
Le prime indicios de natal se monstra jam in le fin de octobre, quando le
magazines comencia vender merces natal - decorationes pro le arbore etc. Per
le novembre iste tendencias se reinfortia (?). In alcun(?) data, le grande
birerias commencia vender le forte 'bira natal' - un die, al qual multes
(super toto multe juvenes) se gaude multo.
Al ultime venerdi de novembre e al duo prime venerdis in decembre, multe
placias de labor (?"workplaces") e associationes, tener(?) si-nominate
'lunches de natal' pro lor travaliatores o membrores. Traditionalmente un
grande parte del menu in iste lunches es (esseva?) de un forma liquide, e le
humor pote(va) esser licentiose.
Ab le prime de decembre e usque le 24, il ha typicamente varie forma de
'calendarios natal' pro le infantes. Illes ha calendarios de carton, ubi on
aperi un portetta cata die - sub le portetta es un belle pictura o forsan un
pecia de chocolade. Soventemente parentes face 'calendarios de pacchettos'
pro lor infantes, ubi le infantes recipe un pacchetto cata die. Le
television monstra 'calendarios natal', que quasi sempre tracta (?) de un
esser mythologic que se appelle un 'nisse' (un sorte de gnomo). Iste
phenomeno del ancian folklore danese resurge curiosemente cata decembre.
Multo gente plena lor domos con varie formas de figuras de nisses e altere
formas de ornamentos natal, i.a. capros de calea - un altere resto del
vetule folkore, que forsan ha radices in le era pagan. (/helt tilbage
fra...?)
Le nisse ha clar similaritates con le 'homine de natal' - Santa Claus. Sante
Claus es anque un parte del danese 'mythologia natal' - benque ille non vive
in le polo nord, ma in Groenlandia, que es ancora sub dominio danese. E su
adjutantes non es le verde 'elves' american, ma nisses daneses traditional.
Le die de natal es in Danmark le 25 de decembre. (Io sape, que in certe
locos, natal es al contrario celebrate in januario - in paises
grec-catholic, como Russia, nonne?) Ma le die pro festivitates es le 24 de
decembre - "le vespere de natal".
Le daneses 'ethnic' (o le 'daneses alte' - al contrario del grande
minoritate islamic - le 'daneses nove') es non multo religiose, e poc
attende le ecclesia regularmente. Ma pro alcunos il es un costume ir ibi
a(?) iste vespere.
Ultra isto, le vespere commencia con mangiar - typicamente le repasto
consiste de o rostita de porco o anate - o ambes - servite con patatas frite
in sucro, caule rubie salmuriate(?), e 'risalamande' pro dessert. (Como le
nomine (ris à la mande) suggeste, isto es un repasto, que consiste de ris -
cocite con lacte a un pappa e refrigerate - e amandolas hachate, e miscite
con crema battite. Un amandola complete es celate in le repasto, e qui (?)
lo trova, recipe le 'dono de amandola' - forsan un cassa de chocolates o un
altere cosa mangiabile.
Post le repasto, omnes dansa circum le arbore de natal accompaniate de
hymnos e cantos de natal. Istos es predominantemente cantos e hymnos danese.
Io crede que le sol hymno international es 'Glade Jul' - un traduction de
'Stille Nacht'/'Silent Night', como vos omnes certo cognosce.
Postea veni le culmine del vespere, particularmente pro le infantes. Il es
tempore de (??) distribuer le donos que jace sub le arbore.
In un del dies sequente, p.ex. le 26 de decembre, multos ha un abundante
lunch de natal con plus de plattos traditional, con cuje nomines io non va
fatigar vos. Ma ultra illo le dies feriate es usate a recuperar(?), assi que
on es preste al sequente grande festa - le vespere del anno nove.
Io spera que alicuno de vos vole anque narrar un poco del natal in vostre
pais. E le daneses es naturalmente benvenite a corriger o suppler(?) me.
(Illes pote pro exemplo describer le costumes de 'advent' e 'adventskranse'
etc., que io es troppo pigre a(?) facer ipse. :-))
Correctiones linguistic es naturalmente anque multo benvenite.
Amicalmente
Lars
======================================================
Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:
http://www.interlingua.com/
======================================================
|
