Car membros de iste foro,

depost mi prime incontro con Interlingua le estate passate io
esseva studente-scholar-usator de duo linguas auxiliar, de iste e,
jam desde circa 6 annos, de illo con le stella verde. Nunc, desde
un septimana, vos pote nominar me per ex-esperantista, bastante
definitivemente.
Como io alicun vices jam poteva constatar, il ha plures inter vos, si non
dicer le majoritate, le cuales etiam olim ha essite esperantistas.
Particularmente al iste personas io voluntarie ponerea le question,
como illes pensa super un foro in le Internet in le cual membros de
iste ambe communitates lingual poterea discuter, cambiar experientias,
cognoscentias e opiniones, non in un maniera e ambiente inimic, hostil,
sed constructive e mutuemente se respectante (e eventualmente se
inspirante...), e in le cual le interlinguanos scribe in Interlingua, e le
esperantistas in Esperanto? Como vos opinia, esque isto essera
absolutemente utopic, un idea estranie?
Salutationes curiose e amical,
Klaus Mohrhoff



Kiesweg 1
D-32423 Minden
Germania

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================