"What's in a name? That which we call a rose by any other name would smell 
as sweet."
["Que es in un nomine? Illo que nos appella un rosa per alcun alter nomine 
fragraria tan dulce."]
     --William Shakespeare, Romeo & Juliet

Io non vole facer iste error commun: confusar le COSAS con su NOMINES. Il 
sembla que tu ha reagite como si le cosa importantel es le honor de 
Hungaria; io pensa que le cosa importante in examinar historia debe esser le 
veritate, sin regardo a lateres political. Ma possibilemente io ha 
miscomprehendite tu punto, e illo non es un reaction nationalistic; 
certemente, tu ha miscomprehendite mi punto. Io non ha scripte que fascismo 
es de orgine hungare, io ha solmente observate que Hungaria era le prime 
pais a haber un governamento fascistic. Similarmente, communismo non es de 
origine Russe, nonobstante que Russia era le prime pais con un governamento 
de communistas.

Mi parolas non son un attacco contra Hungaria. Io non es un experte in le 
politica contemporari de Hungaria, ma mi comprehension es que Hungaria 
habeva un governmanento nationalistic, militaristic, e autoritari solmente 
in le passato--hodie, io crede, illo ha un governamento incompetente e 
mendace, ma non fascistic. Ci in le SUA, al contrari, le era de democratia e 
libertate es in le passato. Hodie nos son imperate per un governamento de 
usurpatores anti-democratic e criminales de guerra; il es mi pais, e non le 
tue, que ora es plus nationalistic, militaristic, e contra le libertate e ci 
e in le altere paises del mundo.

*ma io non




From:  KOVACS Peter <[log in to unmask]>
Reply-To:  Discussiones in Interlingua <[log in to unmask]>
To:  [log in to unmask]
Subject:  Re: [INTERLNG] Turchia: Fascismo e le Nobel
Date:  Fri, 13 Oct 2006 11:38:13 -0400
On Thu, 12 Oct 2006 13:39:53 -0400, Jonathan Dobkin <[log in to unmask]>
wrote:

>Anachronismo? Al contrari[o], le discrepentia inter le datos non es un 
>error de
>mi parte, ma es exact[e]mente mi pun[c]to central: le NOMINE de iste
phenomeno[...]
>non ha precedite le phenomeno[...] mesme, ma era create un poc [postea].

Ma per isto e per lo que tu anteriormente scribeva, que le prime pais
fascista era illo de Horthy (Hungaria) tu assere al mesme tempore, que
Hungaria, le hungaros o Horthy haberea inventate le fascismo. Isto es un
periculose assertion del tue latere... Naturalmente io non crede, que isto
serea ver. Le fascismo, le parola mesme veni del latino (del parola
'fasces'), per consequente on deberea cercar le origine del phenomeno mesme
non al hungaros, ma al romanos (le italianos o Mussolini "hereditava" isto
del romanos, como le espaniolos hereditava de illes le tradition del
"corrida de toros").

>le [regimes] de Horthy, Ataturk, Mussolini, Hitler, e Franco vermente era
>variationes de un thema basic, e tote iste dictatores de brutalitate
>sanguinari era fascistas.

Nam tu repete tu assertion il me sembla, que tu non ha legite mi articulo
super ille in mi blog. Io repete: Horthy non era un dictator fascista o
nazista (ma un governator hungare; con un position simile, que un presidente
de un stato ora ha) e le origine de su governamento era differente de illo
de Hitler. Horthy nullemente era sanguinari, o brutal. Un anno ante le anno,
que tu mentiona como le initio del epocha de Horthy - 1919 -, dunque in 1918
le terror communista era vermente, de facto sanguinari in Hungaria - ma tu
non mentionava isto, como tu non mentionava anque le terror de Stalin...
Proque...? -; mesmo non parlante super le invasion del armea ruman, que
attingeva mesmo Budapest in ille tempore. In su juventute Horthy era un
admiral - dunque un officiero marin - del imperator austriac; non un
soldato. Lo que ille viveva e ageva al mesme tempore, como Hitler o
Mussolini, non le face equal con illes. Isto es un ignorantia - manco de
informationes - o un mixtion intentional del cosas.

>Pro responder a su rogation: Io es un pacifista, e comprehende -- como
>comprehedia Mohandas Gandhi, e Martin Luther King, e mesme le rabinno Jesus
>(qui 2 billiones de christianos considera esser un deus) -- que violentia
>crea plus violentia, e le violentia ultimemente necessita esser opponite 
>per
>nonviolentia.

Io admira, como Horthy poteva retener, contradicer iste violentia effortiate
a ille del exterior e que ille non poteva responder con violentia a illo
durante un tanto longe tempore.

Péter Kovács
(Hungaria)

--
Archivos e disabonar: http://listserv.icors.org/archives/INTERLNG.html

_________________________________________________________________
Get FREE company branded e-mail accounts and business Web site from 
Microsoft Office Live 
http://clk.atdmt.com/MRT/go/mcrssaub0050001411mrt/direct/01/

--
Archivos e disabonar: http://listserv.icors.org/archives/INTERLNG.html