Car Amicos,

le 21 de decembre. Le initio astronomic del hiberno sera cras al duo e
cinquanta-novem.
Le 21 de decembre 1992 io fundava un "limited company", un societate a
responsabilitate limitate e justo le 21 de decembre, hodie, io lo ponera in
"voluntary winding-up for reached social object" liquidation. Coincidentias
de die.
Con le liquidation on cessa le activitate e inciper le "disinvestment"
disinvestimento del benes fin a repartir le ganio nette inter le socios.
Io considera que io es preste a vader in pension. In le junio del 2000 io
habera 60 annos e cessara etiam mi profession de "licensed public
accountant", in interlingua "contabile" con un termino multe hastive.
Hodie io compli un acto bureaucratic, administrative, e io incipe un
processo de cessation que se concludera circa inter un anno e medie.
Io non es contento. Sempre allegro, nunquam contento!
Hodie pro me il es un die triste.
Io proba un sentimento de disfacta e de insecuritate.
Io me diceva: tu habera tote le tempore pro te e tu facera sol illo que te
delectara.
Forsan il sera assi, io desira que illo sia ver, ma io ora non es felice.
Omne vice que io ha habite problemas, al fin io ha debite resolver le
situation de me sol.
Inveterar debe significar como resolver situationes de me sol con sempre
minus medio e io debera apprender como renunciar ora a iste, ora a illo,
pro resolver le situation plus immediate de me sol "nunc et semper",
obviemente!
Io ha habite un medicina portentose: mi labor. E io me delectara con mi
obras, de enoio impenitente.
Allegre Mario!

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
http://www.telegrupigi.com
http://www.affresco.com

Le 21 de decembre 1998.