Ecce un traduction del pagina http://www.cio.com/blog_view.html?CID=24594

Io spera que illo es interessante :)

A tosto
Giovanni
---------------------
Systema de discos dur(?) de computatores personal preveni le tsunami(-s?).

Gorvernamentos cercante technologia non dispendiose pro prevention de
tsunamis pote esser interessate in un application software libere que
mone vibrationes in le discos dur de computatores pro tentar de
deteger le seismos submarine que causa le tsunamis.

Le "Tsunami Harddisk Detector" es filio del mente de Michael Stadler,
qui ha demonstrate le systema prototypal durante aqueste septimana al
exhibition "Ars Electronica" a Linz, Austria.

Como parte de lor operationes, le discos dur mesura le vibrationes al
fin de mantener le testa de lectura/scriptura del disco super le
tracia. Aqueste mesurationes pote esser legite de alcun discos dur. Le
Tsunami Harddisk Detecotr captura aqueste datos de vibration e los
distribue con computatores in altere locationes connexe via una rete
par-a-par (peer-to-peer) pro determinar si o non un tremor de terra
occurre.

In le retes P-a-P, plure computatores participante age como
supernodos, qui analysa le datos recipite del altere nodos
"sentiente". Le supernodos es capabile de ignorar le vibrationes
generate de un computator calcate o agitate, per confrontar quante
computatores reporta le mesme vibrationes simultaneemente.

Si un seismo que pote ducer a un tsunami es detecte, le supernodos
informa le altere nodos. Le computatores exequente le software cliente
e connexe al rete P-a-P pote ora advertir de tal evenimentos.

Le software es capabile de provider tal advertimentos proque le undas
seismic producite del seismos viagia a circa 5000 kilometros per hora,
durante que le tsunamis se move multo plus lentemente de 500 a 1000
kilometros per hora, Stadler explica in su sito retiari
(http://www.ninsight.at/tsunami/). Le differentia de velocitate lassa
tempore de evalutar le tremores e, si necessari, advisa de un tsunami.

In su sito, comocunque, Stadler face observar que su systema es ancora
in stadio experimantal con alcun problemas inherente e non pote
plenmente ser remittite pro provider un "serie prediction" de un risco
tsunami in su actual configuration.

John Blau, IDG News Service (Dusseldorf Bureau)

--
Archivos e disabonar: http://listserv.icors.org/archives/INTERLNG.html