De EP News Report 10-12-98

LE PRESIDENT DEL PE IN VIENNA APPELA A UN CAMPANIA MUNDIAL PRO LIBERAR
PRISIONEROS POLITIC

Le Presidente del PE, Sr. Josˇ Maria Gil-Robles, a le 10 de decembre ha
appellate pro un campania in favor del amnestia pro prisioneros politic
per le fin del anno 2000.  Ille ha facite Iste proposition al occasion
de un ceremonia de commemoration del 50me anniversario del Declaration
Universal del Derectos Human, que esseva tenite in le ancian Palatio
Imperial in Vienna.  Ille diceva que un initiativo debe esser prendite
pro mitter a fin le situation absurde in que individuos qui ha committite
crimines atroce contra lor similares es date lor libertate, durante que
milles de altere personas es imprisionate super solmente bases politic.

Ille addeva que le Corte International comenciara a luctar contra le
problema del impunitate le die quando illo esserea finalmente constituite,
mais ille demandava, que passa pro le personas imprisionate injustemente?
Ille diceva que nos debe marcar iste anniversario per cercar a usar nostre
influentia durante le 386 dies que precede le millenio pro essayer a
obtenir un liberation general del prisioneros de conscientia.

Sr. GIL-ROBLES equalmente reappellava a tote le leaders politic que le
garantia le plus forte pro le derectos human esseva le democratia, e in
isto, le systema parlamentari. "Le prova de foco de un ver democratia
es su respecto non pro le majoritate mais pro le minoritate.

Pro plus de informationes: Jaume Duch, avisor de pressa del Presidente
GSM 075350207.
>>>>>>>>>>>>
Ensjo, si il vos place, nota le supra pro Tribuna
Stan Mulaik