STAN MULAIK wrote:

> Statutos pro UNI:
> Post alcun reflexion e discussion con un amico, io opina que le
> statutos que nos crea pro un Union Nord-American pro Interlingua
> debe esser a iste tempore simple.  Pro le interim, un tal
> organization va consister de solmente alcun 50 individuos.
> Pro organizar lo in regiones con representantes es innecesse.
> Possibilemente solmente uno o duo o tres leaders es necesse:
> Un Presidente, Secretario, Tresorero (e il es possibile que
> on ha solmente un Secretario/Tresorero al comenciamento).
>
> Quanto a formalization del tempore cata anno de un reunion,
> aquello pote remaner un decision del personas post un tal
> organization es formate. America del Nord es grande e le viage
> es costose.  Totevia, io pensa que illo esserea bon a facer
> un reunion in alcun maniera.
>
> Le altere cosa importante es que le organization sia registrate
> como un organization libere de impostos.  De plus il debe esser
> possibile que le organization va reciper contributiones
> financiari que es illes mesme libere de impostos e possibilemente
> es reductiones in impostos pro le contribuentes. Isto va
> requirer que nos examina in qual stato nos debe registrar le
> organization.  Possibilemente (io non es certe) al minus le
> Tresorero debe esser un cititano del Statos Unite pro rationes
> del impostos e le responsibilitate financiari.  Le organization
> debe esser pro objectivos educational o le ben esser public,
> qualcunque.
>
> Un altere question es si un organization "Nord-american" pote
> haber alcun difficultates legal in su registration.  Toto de
> isto nos debe recercar.  Que es un homine de lege o contabile
> que pote responder a iste questiones?

Salvo que se dice "Qui es un homine de lege o contabile qui pote
responder a iste questiones" (Persona in ambe casos, parola
interrogative in le prime caso e un relative "qui" de persona in le
secunde, ubi le "qui" es subjecto) toto es in ordine.

Vos debera anque recercar si il es possibile pro le stato
(governamento in le US) haber opiniones in re como on face le
organisation si on exime lo de impostos. Esque le facto que illo va
coperar plure paises (Canada e Mexico) pote esser un problema. Pote
il esser melior non miscer le stato. Esque ego mesmo in le statos
debe pagar impostos pro pecunia que ego ipse ha colligite (e que es
moneta jam taxate?)

Como ego comprende le cosa - vidite de mi horisonte - le stato pote
dar subventiones a organisationes sin scopos lucrative, ma tunc illo
anque vole influer los.

Ego desira grande successos in le organisar de interlingua in le
continente nord american.

Cellus