>From: Jay Bowks <[log in to unmask]>
>Subject: Necun Bandiera pro Interlingua!
>Date: Tue, 30 Jan 2001 18:21:30 -0500
>
>Forsan le question de haber un bandiera que
>representa le differente interprissas que usa
>interlingua e non inventar un bandiera pro un
>lingua. On non vide un bandiera pro espaniol,
>o francese, portugese, italiano, o anglese etc.

Que vole dicer tu?

>Io non da mi fidelitate a necun bandiera, sia
>illo national o international. Io accepta que un
>logo de marca registrate pote esser usate pro
>un negotio ma le fanaticismo del nationalismo
>me pare un fide quasi-religiose e mi conscientia
>non me permitte dar mi promissa de fidelitate a
>necun tal idolo nationalistic. Le logos o mottos
>de un negotio es cosa differente, esser fidel a
>un marca non significa que on promitte esser
>devote o dedicate a illo. Si io gusta de Nike
>o le triple stridentia blanc il non significa que
>io promitte dar mi vita pro illo. Con bandieras
>le ration es differente secun io vide le affaire.
>Le personas que va a partitos de futbol per
>exemplo pone su bandieras national al aere
>e pone le colores del equippa in alto e qual
>es le differentia inter isto e idolisar le imagine
>del nation o del equippa?
>
>Melior haber bandieras o logos del negotio
>e non pseudo-nationalisar un belle lingua
>international.
>
>Sincermente,
>Jay B.

Car Jay,
io comprende le significato de tu message que porta, in su essentia, al
conclusion de non confunder Interlingua con un bandiera.
E io respecta sin reservas iste conclusion.

Illo que a me, ancora un vice, non vade ben in tu modo de exprimer te, es le
facto que tu debe pervenir a un legittime e personal convinction, con le
partir de un disquisition re le bandieras e illo que le bandieras
representa.
Perque debe tu haber iste necessitate?
Probabilemente tu credo religiose te porta a iste conclusion, o alteremente
isto dependera de tu fide politic, o de tu philosophia de vita. Ben!

Io quando vide mi bandieras, o senti mi inno national, o senti sonar le
'silentio', o un campana, ben! io te assicura que io non resta normal.
Sempre io proba in mi interior un commotion que non es referite a un
particular mi stato personal, al contrario es io qui recipe un sensation,
per exemplo, equal a quando io recipe le notitia del morte de un persona. E
io ha tante bandieras que me provoca iste stato de animo.
Como vider, ora, illo national in medio a illo del UE e del Region Veneto.
Le bandiera de Treviso. Le bandiera national con le armas Sabaude.

Jay tu deberea assister in un citate italian a un defilada in costume e
sentir trombas e tambures e vider bandieras e bandieras, e sentir le
campanas. Forsan tu poterea comprender le sentimento human del personas qui
proba in iste manifestationes le commun esser, actual e passate.
Le cultura occidental ab le prime tempores del grecos es iste cultura que
lega le homines e illes con lor ancestres. E illo es un cultura civil, antea
que religiose.
Jay le bandiera es como un prece. Un prece civil, si tu vole.
Tu usa terminos como idolo nationalistic, fanaticismo del nationalismo,
idolisar le imagine, alteres, probabilemente perque tu cultura civil es de
uno qui es estranie in su pais, qui non senti un passato, io non sape,
securmente io non sape, ma io proba un sensation de paupertate.
Io lege le fanatismo, illo que io time, in tu modo de exprimer te.
Assi le facto de un bandiera pro interlingua, o un association, deveni un
questione secundari; illo que emerge es tu modo de unir profan e religiose,
sin distinction, al contrario, con le immagines del personas qui va a
partitas de football, pro evidentiar un recurso al bandieras adapte a tu
modo de denigrar.

Ciao,

Mario Malaguti

_________________________________________________________________________
Get Your Private, Free E-mail from MSN Hotmail at http://www.hotmail.com.