Car interlinguistas, interessatos!

Le nove version beta de Skype (3.0.) offere le possibilitate de crear e participar cameras public de chat vocal. Isto es: totos pote connecter se a iste canales (nominate "skypecasts") e ascoltar vostre conversationes. Si le ascoltatores demanda le hospite del camera, illes pote reciper le stato de "parlator" tamben.

Secundo le idea de Jan Armann (Svedia) nos ha create le skypecast "Interlingua - lingua international". Secundo ille isto es un grande possibilitate de attraher nove interessatos pro interlingua, nam quicunque pote connecter se liberemente al camera e ascoltar le interlingua parlate. Io spera, ille va haber ration.

Un vice (le ultime mercuridi) nos ja ha essayate iste possibilitate pro vider, como illo functiona, ma regrettabilemente nulle interessatos extra nostre movimento arrivava pro ascoltar, benque le commenciamento del chat era annunciate ja multe tempore (quasi un septimana) retro in le pagina web de skypecasts (https://skypecasts.skype.com/skypecasts/home). Nos era quatro con Jan Armann, Erik Enfors e Martijn Dekker, ma non sempre al mesme tempore... Pro isto nos ha decidite cambiar le die del incontros futur. Io ha consiliate primo probar le lunedi. Io ha recreate le skypecast pro lunedi, vide iste ligamine (https://skypecasts.skype.com/skypecasts/skypecast/detailed.html?id_talk=425911) pro plus de informationes. Le commenciamento del chat es planate pro 20 horas (pro isto io determinava 21h, proque isto significa 20h in tempore centro-europee - CET), alora un altere ligamine va apparer sur le pagina que dirige directemente a iste skypecast via tu Skype.

Io vos incoragia, que vos participa iste camera aperte si multe como possibile! Non importa, si tu non ancora parla interlingua, tu pote solmente ascoltar lo tamben. Si tu ja sape interlingua, isto es un multo bon opportunitate de practicar lo parlate! 

Ma attention: a connecter se a un skypecast il es besoniate le systema operative Windows XP de tu computator. Regrettabile usatores de computatores mac non (ancora?) pote connecter se a skypecasts.

A reaudir lunedi (deman) post 20h CET (19h UTC) in le skypecast (chat vocal public) de interlingua!

Isto es solmente un hasardo, que io creava iste canal audio in Skype (como un proba), quicunque altere pote crear lo o un altere canal in/pro interlingua ibi!

Naturalmente le confabulationes scripte remane, existera plus, apartemente, sin connexion con iste experimento; le mercuridis e sabbatos ab 20h CET (19h UTC) in le servitor de IRC "Freenode".

Péter Kovács

--
Archivos e disabonar: http://listserv.icors.org/archives/INTERLNG.html