IRA SUPER MENACIA DE SANCTIONES STATOSUNITESE SUPER BANANAS

Aqueste mense europarlamentarios exprimeva ira e frustration a menacias del
Statos Unite de imponer un serie integre de doanas extra super importos
de Europa in retaliation pro lo que le Statos Unite considera arrangiamentos
injuste pro importos de bananas destinate pro le Union Europee.  Le SU
argue que arrangiamentos preferential UE designate a accrescer le production
in parve insulas caribe tal como le Insulas Supravente discrimina contra
cultivatores latin american.  Mais como Glenys Kinnock (RU, PSE) indicava,
importos del Indias Occidental e altere statos ACP da conto de solmente 7
pro cento del mercato UE.

De facto, indicante que il ha necun menacia de toto al economia SU per le
action del UE, Sra. Kinnock detegeva le mano sinistre de multinationales
basate in le Statos Unite qui controla le production in America Latin
detra le menacias.  "Essera aqueste disputa super le regulas o essera illo
super un recompensa de Democratos a Chiquita bananas?" illa demandava.
Commisario Sir Leon Brittan cercava a frigidar le sentimentos pro non
haber le disupta banana devenir incontrolabile e mitter in periculo le
relationes UE/SU in altere spheros.

Ille opinava que le nove Accordo de Societate Transatlantic recentemente
appoiate per le Consilio e sub le qual le Commission commenciarea le
negotiationes con autoritates SU super un serie de questiones (includente
le reduction de barrieras technic al commericio, contractos public e
patentes) esseva un signo positive del desiro de ambe partes a meliorar
le relationes.

Sir Leon prendeva le vista que le disputa commerical super le bananas debe
resolver se sub le auspicios del Organization de Commercio Mundial e ille
explicava que reformas ha essite facite que esseva consistente con le
regulas del OCM.

Europarlamentarios subsequentemente adoptava un resolution appellante a
discussiones commercial con le SUA a suspender se usque le menacia del
sanctiones ha retirate se.

--De EP NEWS Novembre 1998, Traducite per Stanley Mulaik
(Pro Ensjo particularmente)