Car Josu,

Como romanophono, le uso del subjunctivo es etiam necessari in mi modo
de pensar. Totevia, como usator de interlingua, e cata vice que io senti
le besonio de usar lo, io pensa que illo pote venir de duo cosas:
- sia io vole exprimer me in un maniera nimis complicate pro un lingua
auxiliar (i.e. que intende esser simple e accessibile al plus grande
numero de personas),
- sia mi cognoscentia de interlingua es insufficiente, e io debe
meliorar mi practica, o cercar un nove medio de exprimer mi pensata,
conforme a interlingua.
In omne casos, io non accusa interlingua de esser defectuose (ben que
illo certo lo es), sed io dubita de mi proprie expression. Quando io
habera le nivello de Gode, io criticara su travalio e facera nove
propositiones. Attendente ille die, io apprende.

Humilemente,

Loeiz.


Josu Lavin scribeva :

>
>
>>Io pensa que ille tempores e modos non es compatibile con interlingua,
>>al minus le que Gode elaborava. Plus interessante es, in mi mente,
>>comprender proque IALA non guardava iste tempores e modos (de un puncto
>>de vista intellectual), e como nos, romanophonos, pote concretemente
>>exprimer notre pensatas sin illos.
>>
>>
>
>Isto pro me es impossibile. Io non pote usar un lingua sin subjunctivo. Illo
>non me servi pro pensar.
>
>Josu Lavin
>********
>
>
>
>