Car amicos,
Io vide que sub iste titulo "Anglese et Interlingua"
son duo dialogos differite: Denis-Mario et
Cellus-Cristian. Le prime es un incontro inter duo
personalitates ex un occurentia, que io jam lo
incontrava in Nice: un attitude francese ("merde !")
verso le lingua anglese. Le veritate de iste attitude
es un appoio pro mi "Machiavelli" articulo et face
invalide le idea que solmente le anglese sera un
lingua franc.
Io remarca que le presentia de Denis substitue le
absentia de Serghei et Steve, et que apporta un plus
de energia et evita le discussiones enoiante re le
"uso del participio presente".
Bon. Io lege ancora et io ha le mesme conclusion,
que le ideas de Denis son interessante. Et io vole, si
Denis ha le tempore, qualque precisiones practic a
iste ideas atractive, que finalmente propone un
attitude active, positive et offensive:
1.) Luctar contra le vulgaritate del condition human
es un labor herculean, dum profitar de illo es multo
"pragmatic". Itaque io non vide, hodie ni in le
proxime annos, le interlinguistes rebelar se, nam es
troppo applattante ille typo de demagogia, selvatic e
infantil...
2.) Totevia, serea jam possibile cambiar le concepto
de interlingua, quo presentar lo non plus como un
lingua que compete con le anglese - in tanto que
lingua parlabile comocunque per quicunque - ma in
vice, como lingua de cultura, certo simplice ma
structurate, intelligentemente organisate, homogene,
implite de possibilitates interessante que le permitte
non solmente esser usate como lingua neutral e
international, ma anque, exprimer facilemente pensatas
de homines civilisate e cultivate.
3.) Hodie considerate como le plus grande commun
denominator del linguas europee, interlingua poterea
destinar se a constituer - in qualque sorta - le plus
parve commun multiplicator, adjungente conceptos
raffinate que exista in altere linguas...
Io legeva duo vices, et contrarimente a mi (qui vole
cambiar interlingua, Denis vole un action sin se
referir a cambiamentos de interlingua). Como? Que
significa le interlinguistas rebelle?
Io ha le mesme objectivo - interlingua, un lingua de
cultura contra le vulgaritate. Et io es un rebelle
contra un absurde devotion al regulas de IALA (mi
attitude pro le 95% IALA) et contra qualque
fortiamentos ambigue (como le "e" pro "and").
Amicalmente,
Cristian
PS
Io rememora lo que senior Mario intendeva facer, un
sito ubi on parla re le cambiamentos de interlingua.
Illo es valabile ancora?
__________________________________________________
Do You Yahoo!?
Great stuff seeking new owners in Yahoo! Auctions!
http://auctions.yahoo.com
|
