Io recipeva iste texto ab un amica de Internet. Illa es german e reside
in le SUA. Illa ha visitate Brasil e un amico brasilian sue ora la ha
inviate un texto in formato Word in portugese. Ille me demandava
traducer lo a anglese. Ufa! Post toto io lo traduceva a Interlingua, pro
vostre divertimento.

FEMINA

* Deo voleva resumer le incantos del femina in un sol [parola absente?],
ma que esserea essential, e ille depositava in su reguardo tote le
infinito del Celo.
* Voler oblidar un femina que on ancora ama es le mesme que pretender
extinguer le sete sin biber.
* Si le homines sapeva toto lo que le feminas pensa, illes esserea vinti
vices plus osate.
* Le plus efficiente fortia hydraulic del mundo: le lacrimas de un
femina.
* Qui non ama femina, vino e cantiones, permane un idiota per tote su
vita.
* Esser belle e esser amate es solmente esser femina. Esser fede e saper
facer se amar es esser princessa.
* Non importa quanto durmente un homine travalia, un femina es sempre in
le fundo de su pensamento.
* Le lacrimas del femina parla silentemente.
* Le femina non nasce femina: deveni femina.
* Le homines governa le mundo e le feminas governa le homines.
* Echo: le unic cosa que pote haber le ultime parola super le del
femina.
* Le cammino del successo es plen de feminas a pulsar lor maritos
avante.
* Deo faceva le mundo e reposava. Deo faceva le homine e reposava. Deo
faceva le femina e, desde alora, ni le mundo ni le homine ha reposate
plus.
* Quando un femina te parla, ascolta lo que illa te dice con le oculos.
* Omne feminas, mesmo le sanctas e le idiotas, comprende de amor.
* Le feminas, como le sonios, nunquam es como nos imagina.
* Si le feminas non existeva, tote le moneta del mundo esserea inutile.
* Le homines dice del feminas quecunque illes vole, e le femina face del
homines quecunque illas vole.
* Le diamantes es le melior amicos del femina e le canes es le melior
amicos del homine. Ora tu ja sape qual del sexos es plus sensate.
* Un supposition feminin se mostra plus accurate que un certessa
masculin.
* Non es facile esser un belle femina sin crear problemas.
* Lo que rende periculose le conversation con un femina belle es que
qualcunque movimento de su rosto sembla peter o offerer amor.
* Pote siccar se, in le corde de un femina, le [port. "seiva", ang.
"sap"] de omne amores; nunquam se extinguera le del amor materne.
* Un no nunquam es un negation in le bucca de un femina.
* Qui non sape acceptar le parve faltas del feminas non profitara de lor
grande virtutes.
* Le feminas ha essite facite pro esser amate, non comprendite.
* Es tendentia innate del femina! Cercar qui non la ama e fugir ab qui
la ama.
* Le feminas es perfectemente consciente de que, quando illas plus
sembla obedir, plus illas domina.
* Es follia discuter con un femina. On discute con le aqua, le foco, le
vento?

Io lassa un sincere recordo pro omne ille grande feminas qui non solo
incanta nostre dies, como tamben nos insenia crescer.
--
   ENSJO*: EMERSON JOSÉ SILVEIRA DA COSTA
  E-mail : [log in to unmask] [<Ø>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
 UIN ICQ : 713833   [* "sj" pronunciate "sh"]

INTERLINGUA - lingua auxiliar international
    Info : http://www.interlingua.com
 Grammar : http://www.nautilus.com.br/~ensjo/interlingua/english.html