Car Alan: Tu non ha includite varie paises slavic, Armenia, e mesme
Suomi! E Turchia non debe esser includite; 90% o plus del population
non vive in Europa.
Europhilicamente,
-Julio
----- Original Message -----
From: Allan Kiviaho <[log in to unmask]>
Date: Wednesday, July 18, 2001 3:11 am
Subject: Re: Gentes qui comprende e non comprende interlingua a prime
vista
> d[010718] x[Kiviaho Allan] z[KivA-17Hik] r[KivA-17Gim]
> s[Re: Gentes qui comprende e non comprende interlingua a prime vista]
>
> Courier New 10 o Courier 10 necesse est si on vole
> vider le tabulas nonmutilate!
>
> [log in to unmask]
> [log in to unmask]
> [log in to unmask]
>
> Estimate johannitas e coolies!
>
> In mi message herierne Moldova era in le gruppo de
> "alteres". Naturalmente Moldova, ubi on parla
> romaniano, debe esser inter le linguas romanic.
>
> Ecce le listas correcte:
>
> INTERLINGUA COMPRENDITE E NON COMPRENDITE A PRIME VISTA
> IN EUROPA AD 2000
>
> Francia 59 080 000
> Britannia 58 830 000
> Italia 57 298 000
> Espania 39 630 000
> Romania 22 327 000
> Moldova 4 380 000
> Belgica Francese 3 556 000
> Portugal 9 875 000
> Eire 3 730 000
> Helvetia Romanic 2 216 000
> Luxembourg 431 000
> ===================================
> Comprende interlingua
> a prime vista 261 353 000
> ===================================
>
> Latvia 2 357 000
> Lituania 3 670 000
> Albania 3 113 000
> Grecia 10 645 000
> Turchia 66 591 000
> -----------------------------------
> Alteres, total 86 376 000
>
> ===================================
> Non comprende inter-
> lingua a prime vista 533 267 000
> ===================================
>
> Assi, le populos que
> comprende interlingua
> a prime vista es 32.9% 261 353 000
> e le populos que non
> comprende interlingua
> a prime vista es 67.1% 533 267 000
> -----------------------------------
> 100 % 794 620 000
>
> Si nos non tene Britannia [*], Romania e Moldova inter
> populos qui comprende interlingua a prime vista, le
> percentages son:
>
> Francia 59 080 000
> Britannia 58 830 000
> Italia 57 298 000
> Espania 39 630 000
> Romania 22 327 000
> Moldova 4 380 000
> Belgica Francese 3 556 000
> Portugal 9 875 000
> Eire 3 730 000
> Helvetia Romanic 2 216 000
> Luxembourg 431 000
> ===================================
> Comprende interlingua
> a prime vista 175 816 000
> ===================================
>
> - - -
>
> [*]
>
> Pro le angloamericanos es particularmente difficile
> comprender interlingua PARLATE. Tal ben educate e
> distinguite interlinguanistas como Frank Pfaff
> (le patre del [log in to unmask]) e Stan
> Mulaik (qui ha cognite nostre GODe personalmente,
> assi, Stan es nostre propheta) ha scripte que illes
> al initio comprendeva quasi nihil de interlingua
> parlate (Frank Pfaff in Strasbourg, Francia e Stan
> recentemente in New York con Leland B. Yeager).
>
> Le ration pro isto es que le pronunciation in anglese
> se differe multo ab illo de major parte de linguas in
> Europa continental e America latin. Isto es un le
> motivos proque io pensa que anglese non debe esser le
> lingua franca in Europa e proque le anglese es un
> "inimico" pro interlingua.
>
> AD 1961 habeva loco le campionato mundial de chacos
> pro equipas de studentes in Helsinki. In le equipa
> del SUA jocava granmaestro William Lombardy qui habeva
> victe le campionato mundial pro juniores con un
> resultato maxime (como le sol in le historia de
> chacos). On preparava in Finlandia un nove grande
> encyclopedia ubi on habeva omne maestros de chacos
> finlandese (le humilissime Allan Kiviaho
> includente ...) e le omne granmaestros del mundo.
>
> Un redactor veniva al Universitate de Technologia ubi
> le torneo habeva loco pro intervistar le plure
> granmaestros presente. Le redactor pronunciava le
> parola "encyclopedia" como "ensiklopedia" sed illo
> era totalmente incomprensibile a William Lombardy.
> Finalmente on scribeva le parola. Le facie de William
> deveniva illuminate e ille rumpeva a: "Oh, oh, YES,
> of course, 'insaiklöupiidiö!!'" ("p" fortemente
> aspirate).
>
> E totevia William Lombardy era un persona multo
> intelligente. Ille era un studente in un seminario
> catholic e ille habeva permission de participar in
> iste torneo de chacos de condition que ille
> participarea cata die a un missa catholic. Le sol
> solution era vader a un schola catholic in Helsinki
> con velocipede. William era un massive juvene e il era
> un spectaculo multo comic quando ille trainava a rider
> con velocipede.
>
> - - -
>
> Heri nos habeva terribilissime tonitro in le area
> de Helsinki con deces de incendios. Il occurreva nulle
> ver catastrophos sed il habeva risco que in un base
> del artilleria costari le deposito de munitiones
> haberea explodite per incendio. Le soldatos era
> evacuate sed le guarda de incendio succedeva maestrar
> le situation. Iste base era arrentate del Union
> Sovietic in 1944 pro 50 annos. Stalin voleva tener
> Helsinki sub menacia de artilleria pesante "pro omne
> eventualitates". Pro grande surprisa a Finlandia
> Nikita Hrusxev retornava iste area (Porkkala) a
> Finlandia jam in 1956. A proposito, nostre filio
> debeva participar in le armea ubi ille serviva como
> commando a septe assaltos amphibic contra iste base
> durante un die.
>
> Ille habeva un mitraliatrice legier e ille debeva
> scander cata vice post disimbarcatio ab barca assalto
> abrupte rocca glacie con mitraliatrice sur dorso ante
> aperir foco. Ille veniva a casa pro vacation
> immediatemente post le trainamento. Su digitos era un
> "massa sanguinose" e su matre quasi evanesceva.
>
> Nostre filio e su quasimarita bicyclava 15 kilometros
> in tonitro e pluvia horribile. Iste tonitro veniva ab
> Gdansk (le loco del conferentia de UMI post 10 dies!)
> ubi illo habeva facte devastation como etiam in
> Estonia. Iste tonitro era causate per un unda calide,
> hodie vespere nos expecta un nove tonitro causate per
> unda frigide ...
>
> - - -
>
> Tonante (e timente)
>
> Allan
>
|
