Stan,

In prime loco, io desirarea dicer alique parolas re mi "curriculum vitae", a
fin que nos nos comprende melio.

Io nasceva in 1950. In 1972 io finiva le facultate de computatorial
mathematica e cybernetica de le Universitate de Moscova. In 1979 io deveniva
un candidato (PhD) de physic-mathematic scientias. Nunc io es "guidante
recercator" a le Keldysh Instituto de Applicate Mathematica
http://www.keldysh.ru/)

Mi interesses son le linguas de programmation
(http://www.dina.kvl.dk/~sestoft/mosml.html) e le systemas de le retrovar de
datas (http://www.integrum.ru/).

Dunque io comprende que es le "methodo scientific": primarimente on debe
seliger le axiomas e postea on pote inferer conclusiones per applicar le
leges de logica.

Note ben que io ha nunquam criticate vostre logica, ni vostre axiomas.
Vostre logica es irreprochabile (si on accepta le axiomas), e illo es
insensate a criticar le axiomas, pois que le selection de axiomas es un
question subjective, un question quasi religiose.

Ma le construction de un lingua non es simile a invention de un theoria
mathematic: illo es simile a le activitate de un ingeniero que desira crear
un articulo commercial que esserea acceptate in le mercato.

Io sape le "via dolorose" de plure linguas de programmation (per exemplo, le
de Algol-68), le quales esseva extrememente logic, ma le quales faceva
fiasco in le practica.

Dunque io ha criticate solmente le consequentias practic, que son periculose
e que resultarea, si on accepteva vostre systema de axiomas.

Con le expression de mi tote respecto,
Sergei