Multe bon analyse Robocop
robocap on wind <[log in to unmask]> wrote:
Jan Årmann ha scribite:
> ************************************************
> Plure Jesuses? – Mi notationes re un libro
> Authores e titulo: Thimothy Freke & Peter Gandy, The Jesus Mysteries,
> Subtitulo: Was the original Jesus a pagan god? Amazon.
> ************************************************
> Ex le prime capitulos
> Le vetule philopsopos grec nos conta que il existe plure "mysterios
> pagan" e inter illos un homine moribunde qui se relevava. In Egypto su
> nomine esseva Osiris, i Grecia Dionysos, in Asia Minor Attis, in Syria
> Adonis, in Italia Bacchus e in Persia Mithras. Le contos re illes es
> multo similar.
> Re Osiris-Dionysos es contate:
> • Ille es le Deo incarnate, salvator e filio de Deo
> • Su patre es Deo e su matre un virgine mortal
> • Ille nasceva in un cave o un simple stabulo al 25. decembre
> verificate per tres pastores de oves.
> • Ille offereva su companiones renascentia per le ritos del baptismo
> • Per un modo miraculose ille converteva aqua a vino a un
> ceremonia nuptial
> • In triumpho ille cavalcava in le urbe a un asino durante le populo
> agita con folios de palma pro le honorar
> • Ille moriva al Pasca como un sacrificio del peccatos del mundo.
> • Post le morte ille descendava al inferno ma al tertie die ille
> resurgeva del defunctos e partiva al celo con honor
> • Su companiones attendeva su retorno como judice durante le Ultime
> Dies.
> • Su morte e resurgentia es celebrate ritualmente con pan e vino que
> symbolisa su corpore e sanguine.
Multo interessante! Tu parolas me face memorar de duo libros ("Le Rito
secreto - Mysterios in Grecia e a Roma" per autores varie, ISBN
88-370-3913-1 e "Jesus ebree" per prof. ing. Calimani, ISBN
88-18-70125-8) que perveni al mesme consideration per vias diverse. In
synthese:
1. Desde le secunde bello punic (initio del II seculo a.C.) un profunde
crise religiose aggredeva Roma. Le deos traditional appareva haber
abandonate le citate, e le panico se diffundeva inter le populo,
specialmente inter su stratos le plus debiles e subalterne. Le effecto
esseva un unda de superstition, potentialmente multo periculose pro le
ordine constituite roman.
2. Le classes culte roman se adressava in vice al Mysterios, primemente
illos grec (eleusyne, de Dionysos, de Demetra, de Cibele etc.) e, post
le conquesta del Egypto, egyptian (Iside e Osiris). Quia tote le
Mysterios, excepte illo de Mythra, esseva tendentialmente aperite a tote
le gruppos social, anque le sclavos, al fin de evitar un deriva
superstitiose illos esseva inveloppate de mysterio (!!) e rigorosemente
reservate al electos (= seligite per le deo). Isto causava le
curiositate e le admiration inter le populo e le altere citates del
dominio roman (Io remarca que anque hodie le publicitate utilisa le
termino "exclusive" pro attraher le vulgo). Al initio del Imperio, le
climate religiose in le Imperio roman esseva extrememente favorabile al
acceptation de messages de Salvation.
3. Le judeos perveniva in Roma in le prime seculo a.C., ma lor religion
esseva reservate al "populo electo" e contrastava con le expectationes
roman. Totevia illes gaudiva del favor popular (anque le imperator Nero
esseva philo-judee) usque al tempores de Constantino, quando le religion
Christian se affirmava.
4. Secun tote le scientista judee, Joshu'a ben Joseph esseva un Rabbi
hebree que tentava de reportar le religion hebree a su puressa original,
abandonante omne desiros de ricchessa e poter ergo sin reager al
occupation roman con le violentia ma solmente con le affirmar proprie
superioritate moral e spiritual. Iste idea non esseva recipite
favorabilemente per plure gruppos de resistentes judee, qui provocava le
fuga del adherentes de Joshu'a, non ancora christian, a Roma e in altere
partes del Imperio.
5. A Roma le exiliatos proto-christian initialmente promoveva un message
apocalyptic (de imminente fin del mundo), e esseva insulate per le
judeos orthodoxe, qui gaudeva del favor del poter. Isto provocava le
persecutiones contra le proto-christianes. Consciemente o no, illes
decideva de affrontar le problema instaurante se stabilemente anque in
le classes dominante, e iste objectivo esseva consequite col adaptar le
schema del Mysterios al nove religion.
6. Iste methodo (adaptar elementos del religion local al Christianismo)
esseva successivemente reiterate plure vices (in Francia, Irlanda,
Svedia, Africa etc.) e illo es characteristic del cultura roman: vide
per exemplo le identification del deos grec con illes roman (Zeus-Iovis,
Ares-Mars, Aphrodites-Venus, Dionysos-Bacchus etc.). Con le introduction
de iste nove approche initia anque le passage ab Joshu'a ben Joseph a Jesus.
robocap
--
Archivos e disabonar: http://listserv.icors.org/archives/INTERLNG.html
---------------------------------
How low will we go? Check out Yahoo! Messenger’s low PC-to-Phone call rates.
--
Archivos e disabonar: http://listserv.icors.org/archives/INTERLNG.html
|
