Bon nocte a totes. (Eo non posta aqui desde alcun annos.)

Eo vole comentar acerca de iste excerpto:

"Al tempore illo era multo controversial, nam illo provideva evidentia que
certe animales evolveva ab alteres, semblante le plus apte pro lor
vicinitate."

In aquele tempore, le libro era relativamente minus controverse in
Anglaterra que le imaginario popular statunitese crede (e que le dramas
televisive moderne presenta). Le motivo era le publication previe del libro
"Vestiges of the Natural History of Creation" ("Vestigios del Historia
Natural del Creation"<
https://en.wikipedia.org/wiki/Vestiges_of_the_Natural_History_of_Creation>),
de 1844, publicate anonymamente en Anglaterra per Robert Chambers. (Le
libro de Charles Darwin apariva solmente 15 annos post.)

Le libro de Chambers non era scientific - era pseudoscientia especulative.
Chambers non era recercator, non aplicava diligentemente el metodo
scientific (respecto a tote le evidentias, analysis de hypotheses
alternative, e uso de metodos de control), mais un enthusiastic per teorias
que capturava su imagination, basate o non in evidentias. Pro exemplo, ile
era amante de phrenologia.

Mais le libro de Chambers, con tote le speculationes e errores que
conteniva, deveniva un "best-seller" (popularmente vendite) in su epocha. E
aquele libro habeva essite le prime que preparava le imagination del
publico anglese a un idea general de evolution de species.

Charles Darwin, un recercator caute e meticulose, publicava annos post su
libro, que presentava de facto le frontiera scientific de su epocha, con le
teoria inedite de evolution per *selection natural*. (Tunc, como eo habeva
dicte, le ideas general de evolution ja esseva popularizate in le circulos
de lectores anglese.)

Darwin proponeva un explanation robuste al morte diferential de individuos
e al extinctiones de species registrate in le discopertas paleontologic. Le
"selection natural" era le fortia del natura que *reduceva* le diversitate
in un population. Mais Darwin non habeva essite capace de proponer un
mechanismo explanatori adequate al grande *diversitate* ancora existente
del populationes e del species. Que *augmentava* le diversitate, le
variation? (Iste mechanismo esserea plus tarde proposte in altere
disciplina biologic, le Genetica: le *mutation*.)

In le seculo 20, le junction de ambe ideas, selection natural e mutation
genetic, creava un imagine plus complete del que ocurre in le natura: le
Evolution per Mutation Genetic e Selection Natural. Un augmenta e altere
reduce le diversitate genetic. Isto es cognoscite per "Synthese
Evolutionari Moderne"<
https://en.wikipedia.org/wiki/Modern_synthesis_(20th_century)>.

Eo vole comentar tamben acerca de iste excerpto:

"Isto contradiceva le establite credentia religiose que Deo creava omne
creaturas, grande e parve."

De facto, le idea de evolution (con o sin selection natural) non contradice
tote le scholas theologic chistian e islamic, mais solmente aqueles que
crede que un deo creava totes le species *de un forma fixe e definitive*.
Doctrinas theologic que crede que un deo creava le vita, mais que le vita
poteva evolver in ample diversitate - o mesmo doctrinas que solmente
declara que un deo creava le vita, sin positionar se acerca de eventos
biologic posterior - non contradice le evidentias scientific de Evolution
per Mutation Genetic e Selection Natural.

In iste puncto, eo debe criticar le nomine infelice que Darwin eligeva pro
su grande obra. Le libro "On the Origin of Species" ("Acerca del Origine
del Species") non es un libro que tracta del origine ultime del species,
mais solmente del "origine proxime" del species *moderne* - iles veni del
species previe, per evolution (con le contribution del selection natural).
E aqueles veni de species ancora plus antique, e plus antique, e plus
antique... Le origine ultime del species non es un tema de Biologia
Evolutive, per definition, porque le evolution biologic/genetic solmente se
initia quando il ha genetica, o sia, quando il ha vita.

Si nos vole cognoscer le hypotheses plus avanciate in le scientia
contemporanee acerca del origine del vita, nos debe consultar un altere
disciplina scientific: le Abiogenesis. Ile estudia le conditiones natural
special que faceva surger vita primitive in un contexto local in que il non
ha vita. O sia, le surgimento del Genetica a partir del Chimia Organic.

Con le progresso que Abiogenesis ha tenite e ancora habera, il es esperate
que alcun altere scholas theologic christian e islamic essera contradicte
per le evidentias, mais varie altere doctrinas theologic de iste religiones
supervivera compatibile con Abiogenesis e con Evolution. Mesmo intra le
christianismo, il ha multe doctrinas theologic que disputa. :)

Salute!

Antonielly
Brazil


On Sat, 26 Dec 2020 at 20:03, James Chandler <[log in to unmask]> wrote:

> Charles Darwin era un scientista anglese - naturalista, geologista e
> biologista - cognite pro su labor super le theoria de evolution per
> selection natural.
>
> Su obra progressive, "On the Origin of Species", era publicate in 1859 e
> cambiava nostre pensamento super le mundo natural.
>
> Al tempore illo era multo controversial, nam illo provideva evidentia que
> certe animales evolveva ab alteres, semblante le plus apte pro lor
> vicinitate. Isto contradiceva le establite credentia religiose que Deo
> creava omne creaturas, grande e parve.
>
> Darwin studiava le divergentia de 18 species de aves passerine ["le
> pinciones de Darwin"] in le Insulas Galápagos, in le Pacific. Ille
> remarcava le diversitate grande in le forma e function del becco.
>
> "Lumine se jectera sur le origin del humanitate e su historia," ille
> scribeva, como resultate.
>
> In su secunde publication seminal, "The Descent of Man" in 1871, Darwin
> applicava su theoria al evolution de homines, suggerente que nos habe un
> ancestor commun con le grande simias.
>
> (On nunc crede que Homo sapiens evolveva apud orangutanes, chimpanzes,
> bonobos, e gorillas.)
>
> Simple mais profunde, su theoria es un del ideas scientific le plus
> influente de omne tempore.
>
> Mesmo hodie, su conclusiones e implicationes affice religion, politica,
> economia e arte, ultra nostre comprension del mundo circa nos.
>
> ---
> Correction: In parte 4/5 le parola "resercatores" debe esser
> "recercatores".
>
>
>
>
>
> --
> Pro leger le archivos e pro modificar o cancellar le subscription:
> http://listserv.icors.org/archives/interlng.html
>


--
Pro leger le archivos e pro modificar o cancellar le subscription:
http://listserv.icors.org/archives/interlng.html