d[060906] x[Kiviaho Allan] z[KivA-F96mf]
s[Vadstena. Professor Hans Aili]

[log in to unmask]
iaSTRAT
[log in to unmask]
Participantes

Estimate interlinguistas!

Le grande sensation in le X incontro nordic de
interlingua in Vadstena, Svedia, era le apparentia del
Ph.D. Hans Aili, professor de latino e prefecto del
Institution pro linguas francese, italian e classic e
del Institution pro linguas oriental al Universitate de
Stockholm.

Ille inaugurava le conferentia con un oration
impressionante e amusante.

Vide
http://www.interlingua.fi/umi/vadstena/aili.htm

In iste pagina il esserea multo benvenite, si nostre
latinistas vaderea controlar le texto que io ha traducte
ex latino a interlingua. Naturalmente professor Aili
ipse esserea le optime persona pro isto, sed io time que
ille es nimis multo occupate per su cargas academic.

---------------------
An nos ha latinistas?
---------------------

Ante multe annos il habeva un latinista suisse, Marco
Menna, un studente al Universitate de Bern, qui
participava al IX convention international de latinistas
in Jyväskylä, Finlandia, AD 1997. Ille traduceva le
Hymno del Union Europee a interlingua. Vide:
http://www.interlingua.fi/

Le cosa nostre - le movimento de interlingua - habeva in
su rangos etiam un juvene studente de latino ex Norvegia.
Ille, como etiam Marco Menna, ha disparite ex le mundo
interlinguan.

Certo nos ha alicun personas qui on forsan non pote
nominar "latinistas" sed qui maestra iste lingua nobile
bastante ben pro traducer (simple) textos a interlingua,
svedese, germano o anglese.

=======================
Universitate de Granada
=======================

Un altere sensation in le celo interlinguan es le
Universitate de Granada que ha i.a. publicate le
Constitution Europee in interlingua.

Duo personas ex iste universitate participava al X
incontro nordic.

Vide
http://www.interlingua.fi/ceiafil/unigrana.htm
http://www.interlingua.fi/ceiafil/ceiaimp.htm


- - -

Salutante

Allan Kiviaho

:::::::::::::::::::::::::::::::::::::::::::::
Kiviaho Allan
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
Kivimäentie 16 E. FI-01620 VANTAA. Finlandia
http://www.interlingua.fi
http://www.interlingua.fi/ceiafil/ceia.htm
http://www.interlingua.com/historia
- - - - - - - - - - - - - - - - - - - - - - -
ePosta - Sähköposti - eMail, clicca:
http://www.interlingua.fi/kiva.htm
:::::::::::::::::::::::::::::::::::::::::::::

--
Archivos e disabonar: http://listserv.icors.org/archives/INTERLNG.html