>De:
>chamavian Responder-a:
>
>Sun, 31 Aug 2008 10:41:36 -0000
>
>Ingmar ha scribite:
>
>Car Stan,
>
>Tu scribe que IA debe esser meliorate e modernizate secundo le
>principios original. Si, ma il me sembla que cata uno non es accordo
>como facer lo. Le resultato es que ora il ha duo, tres o mesmo plus
>formas de iste IA meliorate e modernizate, e isto es un multo mal
>cosa pro le position ja debile del lingua, proque IA non ancora ha
>essite acceptate ben per le mundo, e iste confusion face lo ancora
>plus difficile.

Mais iste altere formas 'modernizate' non se basa super le methodos
e principios de IALA.  Solmente io ha facite isto in le caso del
particulas. Fin que alcuno ha facite iste studio, toto esseva
basate super impressiones subjective.

Le 'romanica' de Josu Lavin non es basate super le mesme grammatica
de interlingua e non es un lingua de IALA. Illo usa desinentias de
persona in le verbos, e accordo de genere e numero inter adjectivos
e substantivos.  Su vocabulario general es basate super le vocabulario
del IED.
>
>Nos dice sempre que IA es un lingua simplemente a apprender, nonne?
>E que illo es melio, plus facile e plus logic que Esperanto etc.
>Vamos lassar lo como isto e non facer lo plus complicate, ni destruir
>su unitate...

Io non destrue le unitate de interlingua.  Si io es in discordo con
certe gruppos qui vole imponer lor usage imperfecte super le resto de
nos isto es un altere cosa.
>
>Le forma de IA que ha essite acceptate per le grande majoritate del
>gente de 1950 a ora, que es in le majoritate de libros, magazines,
>sitos al interrete etc., esque illo non es le IA que on debe usar e
>propagandar? Forsan illo non es perfecte in tote cosas, ma qual
>lingua es? Al minus illo es un forma de unitate...

Il non es importante si il ha accordo in tote respectos inter usatores
de interlingua. Tu sembla creder que le lingua es injuriate si alcuno
monstra un deviation de certe gruppos o usos.  Le lingua non es
injuriate.  Io non crede que le publico va haber alcun opinion super
isto.  Mais io sape que le linguistas va ridicular lo como un altere
producto amateuresc que non ha adherite a bon principios linguistic
como illo pretende de esser.  Mixturas de particulas latin, francese, e
italian es amateuresc! "Illo es un altere 'esperanto' o 'occidental'
que nos linguistas pote ignorar."

Salutes cordial tamben!

Stan

--
Archivos e disabonar: http://listserv.icors.org/archives/INTERLNG.html