Car amicas, amicos, e compatriotas,

        Il es con grande placer que io vide retornar al activitate in INTERLNG nostre eminente companion ALLAN KIVIAHO. E ille lo face per inviar nos un message interessantissime a totos ma adressate specialmente a ULF ANDERSSON, nove e talentose interlinguista, que ante pauc dies ha facite su debut a iste lista de discussiones con un proposition re le contraction de alicun formas verbal in Interlingua. In ille occasion, io commentava le suggestion de Ulf de maniera jocose, non educate, de toto inadmissibile, ben que postea io le ha facite excusas, le quales ille gentilmente ha acceptate (io spera que ille pote includer me inter su amicos).

         Nunc, coincidentemente, io ha le opportunitate facer excusas a mi amico ALLAN KIVIAHO pro un indelicatessa que io ha committite a ille aqui mesmo (il non me placerea explicar lo, mais io sape que ille intende lo que io dice). Assi que io ora veni precar su pardono, asserente que io le considera como un del plus expressive figuras in le movimento pro Interlingua, e estimarea multissimo poter continuar a esser considerate como su ver amico.

        Fraternalmente,

Carlos Alberto Santos


--
Archivos e disabonar: http://listserv.icors.org/archives/INTERLNG.html