>
>Date:    Tue, 16 Nov 2004 08:32:21 +0100
>From:    jo <[log in to unmask]>
>Subject: Re: Le evolution non es contra le religion
>
>Stanley Mulaik wrote:
>
>>Jo ha scribite:
>>
>>
>>>Il es interessante vider que  in le Statos Unite, terra de libertate
>>>religiose per excellentia, le theoria de Darwin (al minus in alicun
>>>statos) non pote esser inseniate al filios sin le consenso del
>>>genitores. Perque le Darwinismo es in realitate un religion (non un
>>>scientia).
>>>
>>>
>>>
>>Tu es misinformate.  Io sape necun stato ubi in le scholas public
>>on non pote inseniar le theoria de Darwin del evolution sin consenso
>>del genitores.  Un tal regulation esserea contra le separation del
>>ecclesia e stato, e in principio permitterea le interdiction de
>>qualcunque subjecto le genitores non approba.
>>
>>
>Forsan tu non es informate del emendamento al lege del publica
>instruction del 13 junio 2001. Le USA es multo grande io io pote
>comprender que tu non pote esser informate de toto.
>
>Le 13 junio 2001 le senator republican Rick Santorum ha presentate un
>emendamento al lege sur le publica instruction. Le texto del emendamento
>ha essite preparate per Phillip Johnson, professor de derecto penal e
>leader del movimento Intelligent Design.
>Le emendamento es composito de duo recomandationes que non sol affirma
>implicitemente le character speculative del evolutionismo, ma incoragia
>anque le discussion con le studentes sur le argumento:
>
>1) "Un bon education scientific deberea preparar le studentes a
>distinguer le datos e le theorias scientific verificabile del
>affirmationes philosophic o religiose facite in nomine del scientia."
>
>2) "Quando on insenia le evolution biologic, le curriculum deberea
>adjutar le studentes a comprender perque iste argumento genera assi
>tante e continue controversia, e deberea preparar le studentes a devenir
>participe e informate del discussiones public circa le argumento."
>
>
>Post le presentation del emendamento, le parola ha passate al senator
>Edward Kennedy, portavoce del senatores democratic. Le senator Kennedy
>ha adherite con enthusiasmo al initiativa, e peteva al gruppo democratic
>de votar a favor, perque "nos vole que le infantes sia capace de parlar
>de conceptos diverse e que pote facer lo in modo intelligente,
>utilisante le melior informationes possibile".
>Le emendamento ha essite approbate per un ample majoritate de ambe le
>partes, con 91 votos a favor e 8 contra. Post haber superate anque le
>voto del Congresso, le lege esseva firmate in januario 2002 per le
>Presidente del USA George W. Bush, e entrava in vigor.

Io es familiar con le effortios de Johnson e su DI a complir per medios
politic lo que illes non pote complir per ration e evidentia empiric
in dialogo con le scientistas.  Io non ha audite de alcun caso ubi alcuno
ha essite mulctate pro inseniar Darwinismo in un classe biologic.  E si
isto ha occurrite io es secur que il va esser defiate in un corte de lege
como contra le constitution e le libertate del parola e le separation de
religion e stato. Il es plus probabile que un inseniante qui essaya de
inseniar que il ha un designator que explica le diversitate del specie
va esser mulctate pro introducer un concepto religiose in le classe.

Mais io considera ben venite le libere discussion de 'intelligente designo'
in le classes, proque il ha necun evidentia empiric que lo appoia, e Johnson
e tote su si-nominate scientistas non ha publicate alcun articulo in alcun
jornal scientific producente tal evidentia. Toto que illes produce es
articulos philosophic, quasi-theologic, e specific a certe vistas religiose
e non le religion in general. Le obras de Behe, Dembski e alteres ha essite
totemente discredite per analyse per scientistas qui es specialistas in
le respective campos del theoria de evolution.  Illes es le
pseudoscientistas!
E isto es possibile a monstrar al studentes, ben que lor sophistication
mesmo in le schola secundari es a vices insufficiente pro introducer les
al criticas del designo intelligente.


>
>Io ha anque legite de inseniantes qui esseva mulctate per non  haber
>respectate iste lege. Si tu vole io cercara iste informationes etiam.


Si. Io vole vider tal informationes.



>Car Stan, tu debe saper que al contrario de lo que tu pote pensar de me,
>io ha un mente aperte sempre al recerca del veritate e es iste le ration
>per le qual io non ha difficultate a leger le Koran. Io de facto a
>legite partes de iste libro e io ha trovate tante cosas belle e
>interessante, io es de religion Mormon desde circa 30 annos io ama iste
>religion profundemente e io ha dedicate mi vita al recerca del veritate,
>iste facto non face de me un extremista, io ha multe amicos in le Testes
>de Jehovah, personas qui veni a mi casa parlar de lor religion e isto me
>place multo, il es ver que nos non pote concordar in toto, mais il ha
>plus cosas in commun inter nos que cosas que nos divide, e assi es con
>altere religiones, io ama profundemente le cultura historic e religiose
>del populo hebree.

>Equalmente io ha cercate de studiar le thema del darwinismo ex varie
>punctos de vista, e io ha initiate per studiar Richard Dawkins perque
>ille es considerate le plus grande biologo vivente e in ultra le
>principal sustentor del neo-darwinismo.

Ha tu legite su "Ascendente le Monte Improbabile"?  Illo es plus pertinente
al argumentos de improbabilitate que tu sembla usa contra le evolution.
Illo monstra que le evolution non ha occurrite immediatemente, e assi il
es possibile con un combination de processos aleatori E causes in le
ambiente pro producer le formas complexe per un processo gradual super
milliones de annos.

A cambiar le subjecto, io rememora un conto super le essayos de Joseph
Fielding Smith a excommunicar Prof. Sterling McMurrin del departamento
de philosophia foras le Ecclesia Mormonista. McMurrin esseva un mormonista e,
non le minus, credeva in le evolution.  Ille esseva le gerente informal
del 'liberales' in le ecclesia. (Io le cognosceva proque io ha prendite
un curso in le philosophia del religion de ille. E on non saperea que
ille esseva un mormonista proque ille esseva integremente objective e
de facto un proponente de philosophias como le logical positivismo).
Malgrado le facto que ille non tractava le theologia del ecclesia in un
maniera litteral, ille habeva necun desiro de quitar le ecclesia.
Ille esseva commode in le communitate que illo le dava, proque isto ha
essite su communitate tote su vita.  Apparentemente Presidente David O.
MacKay del ecclesia ha appoiate McMurrin contra Smith. E McMurrin dice que
in un conversation private con ille Presidente MacKay diceva que ille
credeva le theoria de evolution. E io crede McMurrin, proque ille esseva
un honeste homine.  Vide:
http://www.lds-mormon.com/newell_mcmurrin.shtml

Il es solmente in le ultime 60 annos que le ecclesia ha devenite plus e
plus literalistic e fundamentalistic. Mi professor de biologia Ralph V.
Chamberlin, qui ha inseniate le theoria de evolution a me esseva un
mormonista de un bon familia de pioneros. Mais in aquelle dies le
libertate del pensata esseva plus grande in le ecclesia.  E il ha hodie
ancora multe personas qui non accepta le fundamentalismo e literalismo in
le ecclesia.  Communitate e stilo de vita es lo que retene multe personas
in le ecclesia, malgrado le constriction del pensata de su gerentes.

>
>Si tu sustene de haber un mente aperite, anque tu deberea studiar iste
>argumento non solmente del puncto de vista del pro-evolutionistas. Il es
>importante audir plus campanas pro poter valutar con honestate e
>objectivitate qualcunque argumento, io te invita ergo a cercar de vider
>le darwinismo anque del altere parte e tu habera multe surprisas.


Si isto es ver, io ha un libro que io vole inviar a te....
Que es tu adresse postal?


Stan Mulaik